影片
更多
2023-10-31
15 瀏覽
叁樓火鍋 今日同朋友去尖沙咀行街食飯，天氣開始涼咗好多，當然最好去打邊爐，點知行到堪富利士大廈門口見到地下有個圓形嘅影片寫住叁樓火鍋，咁啱我哋就上去食啦。這間叁樓火鍋店位於尖沙咀堪富利士道11號堪富利士道大廈3樓，好近尖沙咀港鐵站A2出口。搭電梯上3樓後，一出電梯就見到精緻典雅嘅裝修餐廳, 好有中國風韻味，感覺回到古代一樣，餐廳環境好古色古香，連地下都有特色嘅地磚，尤其是啲枱、凳、燈、畫都好有色采，真係好值得用嚟打卡，仲加埋啲食材鍋具都好有特色，尤其是湯底用的鐵鍋，有两個龍頭噴出烟氣，好有打邊爐氣氛，令人視覺味覺都有好好嘅享受。我哋選擇鴛鴦鍋來打邊爐，其中包括了麻辣鴨血粒粒蜆鍋和重芫荽皮蛋滑豆腐濃湯鍋。麻辣鴨血粒粒蜆鍋是麻香辣的風味配上豐富食材，鴨血大舊又滑嫩，大豆芽爽脆，蜆肉粒粒鮮甜，配埋麻辣湯味恰到好處。而重芫荽皮蛋滑豆腐濃湯鍋就超重芫荽同皮蛋香味，豆腐仲滑不留口，完全係可以當靚湯飲，真係好好飲。趁個湯未滾起前，叫咗個小食大澳蝦醬單骨鷄翼先，原來係即叫即炸，炸至皮脆肉唔乾，好香嘅蝦醬味，食到蝦醬嘅咸香味但又唔會覺得咸，單骨易食，送汽水一流，所以我哋叫咗可樂同雪碧來飲。個湯開始滾起來
今日同朋友去尖沙咀行街食飯，天氣開始涼咗好多，當然最好去打邊爐，點知行到堪富利士大廈門口見到地下有個圓形嘅影片寫住叁樓火鍋，咁啱我哋就上去食啦。
這間叁樓火鍋店位於尖沙咀堪富利士道11號堪富利士道大廈3樓，好近尖沙咀港鐵站A2出口。搭電梯上3樓後，一出電梯就見到精緻典雅嘅裝修餐廳, 好有中國風韻味，感覺回到古代一樣，餐廳環境好古色古香，連地下都有特色嘅地磚，尤其是啲枱、凳、燈、畫都好有色采，真係好值得用嚟打卡，仲加埋啲食材鍋具都好有特色，尤其是湯底用的鐵鍋，有两個龍頭噴出烟氣，好有打邊爐氣氛，令人視覺味覺都有好好嘅享受。
我哋選擇鴛鴦鍋來打邊爐，其中包括了麻辣鴨血粒粒蜆鍋和重芫荽皮蛋滑豆腐濃湯鍋。麻辣鴨血粒粒蜆鍋是麻香辣的風味配上豐富食材，鴨血大舊又滑嫩，大豆芽爽脆，蜆肉粒粒鮮甜，配埋麻辣湯味恰到好處。而重芫荽皮蛋滑豆腐濃湯鍋就超重芫荽同皮蛋香味，豆腐仲滑不留口，完全係可以當靚湯飲，真係好好飲。
趁個湯未滾起前，叫咗個小食大澳蝦醬單骨鷄翼先，原來係即叫即炸，炸至皮脆肉唔乾，好香嘅蝦醬味，食到蝦醬嘅咸香味但又唔會覺得咸，單骨易食，送汽水一流，所以我哋叫咗可樂同雪碧來飲。
個湯開始滾起來就將至尊牛拼盤嘅手切本地牛、手切金錢展、頂級安格斯、霜降牛粒、牛舌、牛白肉逐件放落鍋享用，餐廳員工仲細心介紹點整最好食，對食材真心講究，原來牛白肉可以滾耐啲，是愈耐愈爽口的，真係令我哋增加對牛肉打邊爐嘅知識。牛肉拼盤嘅牛肉都切得美美，放在冰块上，用冰将食材呈現出最靚的狀態，真是很吸引。手切本地牛肉就帶濃郁牛肉味又有少少咬口，霜降牛肉粒入口鬆軟，安格斯牛就肉質仲鬆軟小小，好有牛肉味，而手切金錢展多點嚼口，令口感好暢快，牛舌就好嫩好爽，淥耐啲都唔會韌，牛白肉爽脆而且一啲都唔膩。
一口氣完成牛肉類，係時候到精品四式，有手打鮮蝦丸及牛丸、韭菜豬肉餃及鮮蝦雲吞，手打鮮蝦丸就有墨魚鮮香味，柔軟又韌，而手打牛丸就牛香味濃，肉質鮮嫩。韭菜豬肉餃及鮮蝦雲吞就皮薄餡多，咬落肉香四溢。還有新鮮炸的響鈴和五款蔬菜，五款蔬菜有蕃茄、小白菜、唐生菜、娃娃菜和粟米，款款蔬菜都好新鮮，大大盤蔬菜好夠兩個人享用。最後不要浪費好味湯底，點了稻庭烏冬來吃，烏冬口感彈牙好味。
這間叁樓火鍋店嘅食物真係用心去做，質量又高，價錢又唔貴，而且仲有兩間廂房可以唱歌同打麻雀，下次一定會再來，仲要約多啲朋友來食來玩，亦要向大家推介來食。
張貼
