影片
更多
2017-08-10
273 瀏覽
今次去到中環蘭桂坊附近試吓一間西班牙菜叫做「Espuma」，餐廳環境佈置好特別，枱櫈以木為主，仲有港島嘅夜景睇，我哋被安排係窗口坐四人枱嘅位置。除咗有晚市套餐外，仲有散叫食物，我哋首先叫咗啲小食試吓。「西班牙黑毛豬火腿薯蓉」賣相好特別，好似一個個波波放咗喺碟上面，薯蓉炸成波波再用一支木籤插着，而黑毛豬火腿就喺薯蓉波波上面，咬落去口感脆卜卜鬆軟，而且仲係熱辣辣的，真係好似食緊薯蓉咁，仲食到好香嘅黑毛豬味道，鹹鹹地配以淡淡味的薯蓉，幾match。「焦糖單骨雞翼」有好多隻，見到雞翼上面鋪滿醬汁，食落去有外脆內軟的口感，醬汁好似BBQ醬味道，食落去好滋味。之後叫咗個好特別嘅「海鮮蕃茄清湯」，海鮮先用碟上菜，另外再有一壺湯，比客人自己到啲湯落碗入面，第一次飲咁嘅形式嘅湯，好特別！湯入面有好多一粒粒嘅蕃茄，連埋啲海鮮一齊食，好香嘅海鮮清甜鮮味！「紙包焗石斑柳及雜菜配黑水欖汁」，聽個名就知石斑魚用薄薄嘅紙包住，一打開石斑魚嘅味道好香，咬落去口感好爽好滑，魚唔腥，連埋炸好嘅外皮一齊食，另有一番味道。除此之外，石斑下面仲有啲雜菜，黑水欖汁深入雜菜，所以食落去每一啖都有黑水欖汁味道。甜品方面我哋叫咗個「雪
今次去到中環蘭桂坊附近試吓一間西班牙菜叫做「Espuma」，餐廳環境佈置好特別，枱櫈以木為主，仲有港島嘅夜景睇，我哋被安排係窗口坐四人枱嘅位置。除咗有晚市套餐外，仲有散叫食物，我哋首先叫咗啲小食試吓。
「西班牙黑毛豬火腿薯蓉」賣相好特別，好似一個個波波放咗喺碟上面，薯蓉炸成波波再用一支木籤插着，而黑毛豬火腿就喺薯蓉波波上面，咬落去口感脆卜卜鬆軟，而且仲係熱辣辣的，真係好似食緊薯蓉咁，仲食到好香嘅黑毛豬味道，鹹鹹地配以淡淡味的薯蓉，幾match。
「焦糖單骨雞翼」有好多隻，見到雞翼上面鋪滿醬汁，食落去有外脆內軟的口感，醬汁好似BBQ醬味道，食落去好滋味。
之後叫咗個好特別嘅「海鮮蕃茄清湯」，海鮮先用碟上菜，另外再有一壺湯，比客人自己到啲湯落碗入面，第一次飲咁嘅形式嘅湯，好特別！湯入面有好多一粒粒嘅蕃茄，連埋啲海鮮一齊食，好香嘅海鮮清甜鮮味！
「紙包焗石斑柳及雜菜配黑水欖汁」，聽個名就知石斑魚用薄薄嘅紙包住，一打開石斑魚嘅味道好香，咬落去口感好爽好滑，魚唔腥，連埋炸好嘅外皮一齊食，另有一番味道。除此之外，石斑下面仲有啲雜菜，黑水欖汁深入雜菜，所以食落去每一啖都有黑水欖汁味道。
甜品方面我哋叫咗個「雪糕窩夫」，窩夫焗得好香脆，連埋雪糕一齊食冇得頂。
呢度嘅飲品賣相非常特別，而且好大杯又好靚，新推出嘅夏日飲品都有八款選擇，我就叫左大大杯嘅「檸檬沙冰」，飲落去真係有一塊塊好薄嘅檸檬片，有酸酸甜甜嘅感覺，好開胃。
我朋友就叫咗一杯特濃熱咖啡，咖啡面頭並不是普通嘅拉花，而係用Tiramisu嘅粉沈落去，飲落去又有Tiramisu嘅味道，又有特濃咖啡嘅味道，正。
食咗咁多嘢埋單都只係＄700都唔使，食物質素高、環境裝修華麗有氣派，下次會再相約幾個朋友一齊嚟食餐勁。
張貼
