影片
更多
2020-10-25
211 瀏覽
天氣開始轉涼，就好想食啲暖笠笠嘅嘢，唔使左諗右諗就緊係去打邊爐啦！接咗Honey收工後，咁啱要車埋佢同事返荃灣屋企，於是就諗吓荃灣有咩火鍋，喺大鴻輝雖然有好多間，但由於之前同Honey去過旺角間一鍋堂打邊爐，佢就話要食返呢間。由於去到嘅時候係六點左右，未到繁忙時間所以好快就即刻有位坐唔使等。今次就揀咗潮式嘅湯底，估唔到原來好似胡椒豬肚湯嘅味道，辣辣哋嘅胡椒味飲落暖笠笠嘅感覺。而任食分開三個餐，我哋就揀咗B餐，主要係牛肉多少少選擇，點完嘢食好快手就成棟上到嚟，即刻就試咗個封門柳，封門柳係牛橫隔膜肌肉，每隻牛得有一條，鍾意食牛味較重嘅人一定要點呢個！跟住再試埋美國安格斯肥牛，見到脂肪分布有靚靚嘅大理石花紋，食落都開心啲，肉味都算濃。不得不提嘅係呢到嘅自家製飲品，我最鍾意飲嘅係呢到嘅洛神花茶，酸酸甜甜真係好好味。最重要係市面無咩食市會用電解水機，由湯底到佢哋自家製嘅飲品都會係用鹼性水，因為打邊爐食咁多肉，酸性都一定會提高咗，而佢哋用鹼性水，食落個感覺都好似平衡返個心理。埋單$480@2人
由於去到嘅時候係六點左右，未到繁忙時間所以好快就即刻有位坐唔使等。今次就揀咗潮式嘅湯底，估唔到原來好似胡椒豬肚湯嘅味道，辣辣哋嘅胡椒味飲落暖笠笠嘅感覺。
而任食分開三個餐，我哋就揀咗B餐，主要係牛肉多少少選擇，點完嘢食好快手就成棟上到嚟，即刻就試咗個封門柳，封門柳係牛橫隔膜肌肉，每隻牛得有一條，鍾意食牛味較重嘅人一定要點呢個！跟住再試埋美國安格斯肥牛，見到脂肪分布有靚靚嘅大理石花紋，食落都開心啲，肉味都算濃。
不得不提嘅係呢到嘅自家製飲品，我最鍾意飲嘅係呢到嘅洛神花茶，酸酸甜甜真係好好味。
最重要係市面無咩食市會用電解水機，由湯底到佢哋自家製嘅飲品都會係用鹼性水，因為打邊爐食咁多肉，酸性都一定會提高咗，而佢哋用鹼性水，食落個感覺都好似平衡返個心理。
埋單$480@2人
張貼
