影片
更多
2019-02-27
46 瀏覽
喺香港都食過好多間主打吉列牛嘅專門店，so far印象都未去到話好沉迷或者經常會想食，今日之所以來到呢間steak bar，完全係因為朋友帶埋我來。餐廳位於蘭桂坊雲咸街，就喺斜路頂，我仲記得上手係炸雞店，估唔到已經轉左。鋪行唔大，一共兩層，比較似係酒吧格局，地下果層有少量位置，燈光較暗，樓上座位數量差唔多，不過有自然光，幾舒服，由於我地係食午餐，客人唔多，所以都未至於逼，人多可能就會侷促D啦。值得一讚，店員服務唔錯，細心介紹食物。menu選擇唔算多，聽講之後會再更新餐牌。而家lunch有幾款日式定食，以吉列炸牛扒作主打，另有燒牛肉、西冷牛扒、限量嘅板腱牛扒、羊架、魚柳等，價錢由$178起，定食會跟前菜、沙律同飯。價錢方面比起我過往食嘅吉列炸牛會高少少，講緊食lunch都要人均二百幾，不過食完都覺得物有所值，的確係高質素D嘅晚市一樣價錢，心理上可能覺得抵D添。點左一份吉列炸牛扒，成份定食上枱，店員幫我地點火，石爐上有牛油，方便燒肉。佢地嘅吉列牛肉用prime級別牛頸脊製作，經高溫油炸過，食嘅時候可以先喺燒熱嘅爐上煎一煎，至於煎幾耐就按個人喜好啦。吉列牛係食過當中質素較高，一份都有成十幾片
餐廳位於蘭桂坊雲咸街，就喺斜路頂，我仲記得上手係炸雞店，估唔到已經轉左。鋪行唔大，一共兩層，比較似係酒吧格局，地下果層有少量位置，燈光較暗，樓上座位數量差唔多，不過有自然光，幾舒服，由於我地係食午餐，客人唔多，所以都未至於逼，人多可能就會侷促D啦。值得一讚，店員服務唔錯，細心介紹食物。
menu選擇唔算多，聽講之後會再更新餐牌。而家lunch有幾款日式定食，以吉列炸牛扒作主打，另有燒牛肉、西冷牛扒、限量嘅板腱牛扒、羊架、魚柳等，價錢由$178起，定食會跟前菜、沙律同飯。價錢方面比起我過往食嘅吉列炸牛會高少少，講緊食lunch都要人均二百幾，不過食完都覺得物有所值，的確係高質素D嘅晚市一樣價錢，心理上可能覺得抵D添。
點左一份吉列炸牛扒，成份定食上枱，店員幫我地點火，石爐上有牛油，方便燒肉。
佢地嘅吉列牛肉用prime級別牛頸脊製作，經高溫油炸過，食嘅時候可以先喺燒熱嘅爐上煎一煎，至於煎幾耐就按個人喜好啦。吉列牛係食過當中質素較高，一份都有成十幾片。
首先牛頸脊厚身，外層嘅吉列幾鬆脆，存在感唔會好低，至於牛肉燒完之後都keep到幾juicy，同埋幾有肉香跟左一小碟燒汁，佐飯唔錯。
另外點左石燒薄牛肉，牛肉7片，薄身有均勻油花，由於比較薄，要小心掌握時間，大約十秒都夠。牛肉都有牛味，而且唔會太柴，沾少少鹽都好食。當然啦，如果同吉列牛相差10蚊，我會比較推薦吉列牛如果唔鐘意食吉列，可能要點到西冷或者牛板腱較出色。
每份定食跟左沙律、味素飯，味素夠大方，好香口；店員都好細心，有提及如果唔喜歡飯素，可以提前告知。
張貼
