醉胡爐 (已搬遷) 新店位置

上網睇到呢一間火鍋店有好特別嘅湯底，深深俾佢吸引着！一於嚟試一試佢龍與鳳！呢個就係一直吸引着我嘅爵士佛跳牆湯底！竟然用一個蜜瓜放入去代替冬瓜，然後再加一榨蜜瓜汁同高湯！好特別！而且配料仲有魚翅，鮑魚，海參花膠等等珍貴嘅食材，真係好吸引！我哋一路等到湯滾好之後，就搶住飲！果然係好鮮甜！我哋每人都飲咗兩碗。一路飲淨係食啲湯渣已經好飽！呢個湯底真係非常之豐富！鮑魚真係好大隻，食到滿心歡喜！牛味好濃郁！有咬口！魚皮好香，又脆。鱈魚好香脆！點下d沙律醬幾好食。粟米好新鮮好甜，高篙都好食。成晚最驚喜係呢度嘅串燒！燒得好香？？肉汁好juicy!!