Express Bar by Lassana (已結業)

要買一個生日蛋糕俾對食甜品有要求嘅朋友實在唔容易，而且對於成日叫住要減肥嘅女仔嚟講，份量一定要貴精不貴多。千揀萬揀下終於俾我搵到Express Bar By Lassana嘅蛋糕！先講價錢，地鐵站嘅西餅店一磅蛋糕都講緊至少要一百蚊，而所以對於一間精於做甜品嘅品牌嚟講，$138一磅蛋糕絕對係性價比高！賣相：外層嘅朱古皮非常潤滑，加上NUTS同朱古力牌，令成個外表100分。口感：朱古力慕絲啖啖軟滑，同外層朱古力一齊食更係雙重口感。味道：濃郁朱古力香味，甜而不膩，令要減肥嘅人更易墮入食多咗嘅陷阱。不過唔理喇，食完先減啦，哈哈！