六両三 (已結業)

見到朋友尼左衣度食台灣野，賣相好吸引，今日特登同豬先生出尼尖沙咀食，兩點先尼到唔洗點排隊，等左5分鐘就入得。牛肉麵都有幾隻款可以揀，而且有得揀湯底，紅燒或者麻辣。我揀左半筋半肉麵配紅燒湯底，另外一碗牛肋麵，豬先生話想試麻辣所以揀左麻辣湯底。（其實豬先生係唔食辣既所以最後係我食晒）我地仲叫左一碟滷肉青菜同東瓜茶。講左個湯底先，麻辣係香既但就咸左d，紅燒湯底好香濃，個人覺得牛肉麵都係紅燒湯底襯D。至於牛肉，牛肋同牛筋都好淋好入味，份量唔少。麵底係豬師奶鐘意既粗麵，成碗麵份量好多，豬師奶只食到2/3碗，岩晒大食同肚餓既豬先生。另外仲有好多小食，下次再試。如果想係尖沙咀食牛肉麵，六兩三係唔錯既選擇。