影片
更多
2021-07-24
99 瀏覽
燒肉都有omakase👨🏼🍳 OpenRice睇落唔多食評所以應該都屬於新舖🆕再睇原來係❕和牛燒肉一郎❕嘅姊妹店，口碑應該都唔錯😝餐廳採用木材、水泥磚做裝潢，微微昏暗嘅環境十分有feel😎每個座位下面都有個位放置隨身物品，坐得非常舒服😌不得不提呢度嘅服務態度有嘉👑唔存在人手不足嘅問題，反而經常有人幫我哋添茶，講解每道菜式同收走用完嘅餐具🍴就算無book到bar枱位，都有人嚟幫我哋燒肉🥰·<料亭> ʜᴋᴅ 880Omakase嘅set貴至 ʜᴋᴅ 1280，亦有較平價嘅選擇，餐廳都有照顧到唔食牛嘅人，提供 <鳥亭>比食客🐥料亭包含前菜、季節魚刺身三種、和牛肉三種、海鮮拼盤、酒肴、湯、食事同甜品🔸前菜當日前菜用上北海道產嘅白粟米🌽茄子🍆同栗子🌰粟米無經過處理，生食都非常鮮甜😌茄子經醃製後切成小茄子嘅形狀🍆淡淡嘅味增加點微辣。栗子好新鮮結實，甜度高得唔太自然🔸季節魚刺身三種拖羅油脂超香，入口即化🤤油甘魚非常紮實新鮮，一啲都唔腥👍🏻牡丹蝦大大隻好鮮甜，仲有少少膠質微漿口🦐🔸和牛肉三種侍應建議我哋由最瘦嘅牛外橫膈膜食起，每面燒一陣就食得，呢款牛肉味最濃🐮牛里脊肉
餐廳採用木材、水泥磚做裝潢，微微昏暗嘅環境十分有feel😎每個座位下面都有個位放置隨身物品，坐得非常舒服😌
不得不提呢度嘅服務態度有嘉👑唔存在人手不足嘅問題，反而經常有人幫我哋添茶，講解每道菜式同收走用完嘅餐具🍴就算無book到bar枱位，都有人嚟幫我哋燒肉🥰
·
<料亭> ʜᴋᴅ 880
Omakase嘅set貴至 ʜᴋᴅ 1280，亦有較平價嘅選擇，餐廳都有照顧到唔食牛嘅人，提供 <鳥亭>比食客🐥
料亭包含前菜、季節魚刺身三種、和牛肉三種、海鮮拼盤、酒肴、湯、食事同甜品
🔸前菜當日前菜用上北海道產嘅白粟米🌽茄子🍆同栗子🌰粟米無經過處理，生食都非常鮮甜😌茄子經醃製後切成小茄子嘅形狀🍆淡淡嘅味增加點微辣。栗子好新鮮結實，甜度高得唔太自然
🔸季節魚刺身三種拖羅油脂超香，入口即化🤤油甘魚非常紮實新鮮，一啲都唔腥👍🏻牡丹蝦大大隻好鮮甜，仲有少少膠質微漿口🦐
🔸和牛肉三種侍應建議我哋由最瘦嘅牛外橫膈膜食起，每面燒一陣就食得，呢款牛肉味最濃🐮
牛里脊肉明顯油脂更豐富，更容易咬開😉
睇顏色就知唔係同一個level嘅牛肋肉，油脂係三款中最多，侍應話吾以燒耐啲，燶燶哋食更香口，入口即化嘅牛肉令人有上天堂嘅感覺😇
🔸海鮮拼盤喺擔心唔知要點食海螺嘅時候，侍應已經主動嚟serve我哋🐚螺肉爽口鮮甜，唔需要蘸任何醬汁已經好足夠😋鮮蝦大隻紮實🦐饅魚油脂分布平均，食到魚油香😚
🔸酒肴蟹肉沙律🥗蟹肉絲堆成小山，下面嘅沙律菜伴入泰式醬汁，集甜、酸、辣於一身😋
🔸湯
有別於一般麵豉湯，佢用料非常大方，蜆肉大粒過5蚊銀😍為湯增添唔少鮮味🤩而且加入柚香，令佢更加清新🍊
🔸食事素面作為主食嘅總結，份量剛剛好👍🏻
🔸甜品甜品係日式蕨餅🍡抹茶味同黃豆粉味都恰到好處，唔太甜🥳
·
<忌廉芝士鯛魚酒盜> ʜᴋᴅ 68店員講解鯛魚酒盜係醃製過嘅魚內臟，雖然聽到嗰陣有啲卻步，但一食就變得欲罷不能🤩一啲都唔腥，醃製後有鹹香，配埋creamcheese同埋梳打餅一齊食真係好夾😍值得一讚係佢地選用嘅梳打餅自身質素都已經好好，香脆又帶芝麻味🤍呢個前菜用嚟送酒都係一流呀😆
·
<鹿兒島產豚里脊肉> ʜᴋᴅ 78除咗牛肉之外，餐廳都採用日本產豚肉🇯🇵里脊肉肥瘦適中，入口亦有肉香🐖
·
<鹿兒島產豚肋肉> ʜᴋᴅ 78
其實即係五花肉🥓油脂佔比較重，店員都另外提供柚子鹽，果然加咗之後可以減低膩感😙由於肥肉部分較多，所以燒緊嗰陣都會滴油搶火🔥喺呢度都要讚一讚火爐嘅抽風系統，夠晒強力，就算火勢稍大都唔會竄出爐邊👏🏻
·
食燒肉一定要配返啲飲料消消膩，叫咗兩杯𝑴𝒐𝒄𝒌𝒕𝒂𝒊𝒍🍹
<𝑪𝒂𝒑𝒓𝒊> ʜᴋᴅ 68柚子汁、蜂蜜、青檸汁同梳打水嘅配搭一睇就知夠晒清爽👙
<𝑴𝒂𝒕𝒄𝒉𝒂 𝑪𝒐𝒐𝒍𝒆𝒓> ʜᴋᴅ 68
由抹茶、牛奶同雲尼拿油混合而成嘅飲品，抹茶味道唔濃🍵而且消泡比較快，影完相就好似比人偷飲過咁😂奶味有啲似溝稀嘅煉奶🍼
·
雖然貴係貴咗啲💸但食材、心思、服務態度同環境都非常唔錯☺️
張貼
