牛魔 (已結業)

同朋友一齊去尖沙咀食飯，趁疫情比較緩和！大家個心都安樂啲！安心出行去到一間專食韓燒嘅餐廳，坐滿人就信心爆棚！知道一定好食。在尖沙咀棉登徑既牛魔幾有 feel. 坐得幾舒服，店員都幾nice! menu選擇都幾多，但價錢都算合理！全天然豚肉五花腩，非常肥美，肥膏和肉既比例幾好，食完唔會有油膩既感覺！肉質夠嫩！再將生菜捲起一齊食！更有層次感，有清爽清新感。美國prime牛肋骨，上台前已經調味過，所以燒既時候要多加留意，如果唔係就會比較易燶！店員親自示範燒出最正既質感！果然係有分別！店員燒得非常純熟，技巧了得！牛肋骨肉夠香又夠牛味！品質非常高！198有2大塊呢個質數，相當抵食！泡菜豚肉 煎餅，即叫即整，餅底都幾香脆！內層既餡料都幾豐富，好好味！整體價錢，service都幾好，所以絕對食得過。