牛魔 (已結業)

📍牛魔今日約左朋友去尖沙咀食飯本身都諗唔到食乜但朋友就介紹話呢間燒肉唔錯於是就帶埋我再去食🔸唐揚櫻花蝦豆腐呢個豆腐好有驚喜！豆腐豆味濃之餘又夠哂滑砌成小山咁上檯，都幾震撼！🔸櫻花蝦餃子炸餃子再加上櫻花蝦！外層脆卜卜，入面爆哂汁！🔸全天然豚肉五花腩（八枚）（厚切跟生菜）厚切五花腩用嚟燒肉真係勁香！先燒香脂肪部份，再放側邊用細火燒熟，保留到肉汁之餘，又可以食到脆邊。唔駛調味都已經好好食！如果覺得太油膩，仲可以用生菜包住食，變相又有多種食法🔸蘋果木煙燻松露和牛他他和牛他他加上雞蛋撈勻，同燒肉食法截然不同，牛肉軟熟嫩滑，加上煙燻木香，唔錯🔸老饕澳洲M5/M6和牛牛板腱（五枚）薄切牛肉一定要眼明手快！放上燒爐後過幾秒已經可以將佢卷起，用餘溫煮埋另一邊，就唔驚過熟。用上M5/M6 嘅澳洲牛肉，油脂豐腴，燒香之後油香爆發！🔸香蔥薄切牛舌 (七枚)燒肉一定要食牛舌！先用大火，將牛脷輕輕燒香，反轉之後再放喺側邊細火嘅位置，加上店舖自家製嘅香蔥，再燒多一陣就食得，香嫩多汁🔸松露肉碎炒飯食完燒肉，最後加個炒飯，真係大滿足！炒飯用左石鍋奉上，帶有香脆嘅飯焦！而且松露味非常濃！