Wagyu Ya (已結業)

朋友揀嘅呢間日式和牛燒肉店，好有驚喜！✨日本蕃茄沙律 $108燒肉之前先嚟個沙律頭盤，日本蕃茄果然唔同！好清甜多汁，冇生蕃茄嘅腥咩，比平時食開嘅好味！沙律菜新鮮爽脆，整體好清新！✨肉食者拼盤 $688和牛拼盤😍包括有牛舌、三角腩、西冷、肉眼，各有三片。店員教路，和牛拼盤，味道由最少油脂嘅部位開始，由淡味食到濃味。牛舌厚切，入口爽脆，好有質感。西冷/肉眼，油脂分布平均，肉質軟腍，肉味租濃。三角腩油花豐富，一咬開，全個口腔都充斥住油脂嘅甘香，而且牛味濃郁！入口即溶好正呀！肉食拼盤除咗四款牛肉之外，仲有幾片粟米，放爐邊慢慢燒熟，味道清甜，可以中和翻肉食嘅肉滯感。✨Waygu Don $498超足料豐富，見到都流晒口水，賣相極吸引。面層有熊本和王和牛、海膽、鵝肝、左口魚、三文魚籽、吞拿魚腩蓉，鋪滿整個飯面。和牛油脂甘香，牛味香濃；海膽鮮甜creamy，份量仲好多！鵝肝面層燒得焦香，好邪惡好好味；三文魚子鹹鮮味濃，脆卜卜。