醉胡爐 (已搬遷) 新店位置

店舖距離地鐵站大概十分鐘路程，都好方便。湯底選擇左金翅花膠乳鴿湯底，色澤金黃偏白。裡面嘅湯料有不少花膠同魚翅，所以可以補充唔少膠質🤭，同時亦都有南瓜同金華火腿等以提供甜味同鹹味，令到各種味道都融入到湯裡面。放材料之前，記得先飲一下靚湯。😉醬料方面，都係傳統嘅豉油，沙茶醬，蔥花等等，我就多多益善，全部都落一點。😝食材就叫左封門柳，牛脊肉，羊肉片同蘿蔔。三份肉類都有足夠厚度，食落嫩滑，而且新鮮，另外建議一下❗️，食肉嘅時候可以配上沙茶醬，可謂滋味一流，食完好耐都嘴有餘味。😌蘿蔔就吸哂湯汁既味道，你亦都可以叫娃娃菜或者其他菜，等到食完肉之後再食佢地，解膩之餘，亦可以食返湯嘅味道。👍🏻總括而言，價錢恰宜，環境舒適，感興趣嘅朋友可以去試下。