醉胡爐 (已搬遷) 新店位置

金翅花膠乳鴿湯呢個湯底嘅材料有原隻乳鴿、花膠、百合、火腿粒、魚翅粉絲等，都幾足料，湯頭非常濃郁鮮味，乳鴿肉質嫩滑。蟹籽蝦丸、黑松露墨魚丸丸類真心唔錯，爽口彈牙無粉感，蝦丸鮮味又有蟹籽卜卜脆嘅口感，墨魚丸鮮甜又有淡淡黑松露香味。老友鬼鬼即係油炸的裡面釀咗墨魚滑，油炸鬼脆口，墨魚滑彈牙，仲有啲蟹籽，整個口感同味道得宜，超讚。醉胡爐酒泡鴨舌酒香味好濃，肉厚嫩滑，味道唔錯。手工乾貝帶子餃皮薄爽滑，餡料足又惹味，裡面有原隻帶子。冰豆腐索晒湯汁嘅精華，十分鮮甜，口感似麵筋。手切頂級安格斯肥牛油花均勻，肉質嫩滑，入口即溶，油潤甘香有牛味。秘製蝴蝶腩呢個係豚肉嘅蝴蝶腩位，已經用香料調製過，擺落湯底稍為熱番，吸收埋湯嘅精華，味道出乎意料地好食，口感亦好爽，好有嚼口！竹蔗茅根水整番揸清甜下火嘅竹蔗茅根，打邊爐嘅絕配，好滿足。