陳儀興尚潮樓 (太子道西)

營業中

休息中

我有個朋友好喜歡潮州餐廳，今次weekend 朋友帶我去一間位於太子嘅高級潮州餐廳，話我一定要試吓。陳儀興尚潮樓好特別係有兩層樓，舒適寬躺、10分優雅，朋友今次帶我你嚟傾吓計食下野最啱。餐桌極具傳統中國特色，有古典嘅感覺，最近好少食到潮州酒樓有這個格局。［鵝三寶］三寶係鵝肉，鵝肝同鵝腸。份量都幾多，其實兩至三個人都應該夠食。鵝肝好新鮮，食落軟軟地，唔會太韌太軟，一般鵝肝食幾塊就會膩，但今次食多幾舊都唔覺肥膩，鵝肉都好滑，食落唔覺老，點下啲白醋，又幾開胃喎，鵝腸又爽口有彈性。［梅汁炆豬手］一上碟已經知道好好味，聞到有梅子烹調過嘅味道，有梅子酸甜之外，豬手炆得好琳，份量亦都唔少，其實裏邊有好多豬手，三五知己一齊食嘢都唔錯。［魚露浸花甲］魚露其實係潮州菜常用嘅調味料，靈魂所在，每一隻花甲都食到好新鮮，好乾淨，配合埋魚露酸酸甜甜10分開胃豆醬煮海宇魚普寧豆漿煮海宇，即是大黃花魚，我同朋友都好喜歡，因為好入味之餘，條魚肉質滑滑，好有潮州特色老藥桔最近天氣飲係適合不過，飲品有潤肺潤喉嘅功效，秋冬天氣飲下確實唔錯。