112
2
3
港鐵太子站 B2 出口, 步行約2分鐘 繼續閱讀
電話號碼
26831678
營業時間
今日營業
11:00 - 23:00
星期一至日
11:00 - 23:00
付款方式
現金
食評 (122)
等級4 2021-01-16
249 瀏覽
朋友介紹呢間潮洲菜餐館裝修古色古香,食物質素高,服務態度都幾好,所以趁住有時間就帶媽媽一齊黎試下新野。生醃膏蟹估唔到會有呢款!感覺睇落有啲似韓式醬油蟹。我地都係第一次生醃既蟹,蟹肉口感幼細嫩滑,蟹膏有入口即溶既感覺。咸咸香香,仲帶有好強既蒜香味,而且仲爆哂膏😍店員建議可以加少少辣椒醋,會更加惹味。潮式紅燒婆參口感十分軟糯,平時食既都係比較爽口彈牙,而呢一個係類似海綿既感覺,軟綿綿得黎亦稍為有咬口。潮式紅燒日本吉品鮑魚 30頭夠大隻,十分入味,濃郁香口,超級鮮甜😍汕頭煎蠔烙炸得鬆軟香脆唔油膩,好乾爽。蠔同脆漿份量掌握得好好,啖啖都食到蠔仔肉。加上少少魚露,簡直係畫龍點睛😆蠔仔方魚肉碎粥潮洲既粥另有一番風味,飯粒完整又飽滿,調味恰到好處。蠔仔同方魚乾都令到成碗粥帶有咸香既鮮味。福果甜芋泥其實我係一個芋泥控,所以我見到菜單上有呢個甜品就即刻叫左黎食❤️加上福果,姐係白果都係其中一樣我好鐘意食既野~芋泥做得香甜綿滑,但又唔會過份甜😋 繼續閱讀
(以上食評乃用戶個人意見 , 並不代表OpenRice之觀點。)
等級4 2021-01-16
117 瀏覽
喺香港食好食嘅潮州菜,其實真係搵唔到邊幾間,之前上網查過,啲人好推薦呢一間,所以我就決定嚟試一試。餐廳本身好近地鐵站,太子站行過去都好快,今次我就好想食佢嘅鵝三寶同埋梅汁豬手。一坐低嘅時候,店員的服務都非常好,餐廳用嘅茶都係好好飲,我哋叫咗香片,茶味清,有少少清香味,另外餐具擺設亦都非常典雅。我哋一開始首先叫咗呢度好出名嘅「老藥桔」,$20一杯,酸酸甜甜,嗰種感覺就似飲緊一個陳年嘅柑桔加上水,非常開胃。之後前菜打頭陣嘅,我哋叫咗呢度嘅鵝三寶,我仲指明要多啲鵝肝,呢度嘅鵝肝比較稔身,雖然稱唔想入口即溶,但就一定唔會係硬骨骨。滷水味非常香,令到呢一個鵝肝生色不少。鵝肉就更加不在話下,佢一啲都唔騷,肉質亦都好嫩口;鵝腸就非常爽,好好食😋食呢一個拼盤一定唔少得要叫白飯,我成餐食咗兩碗白飯。之後我哋叫咗個二十年老菜圃豬肚湯,$68,個湯真係冇花冇假,雖然細細碗,但用嘅料係非常非常足,個湯有少少鹹肉味,飲落去嘅時候非常開胃。最後就一定唔少得要提呢度嘅梅汁豬手煲,$138,豬手係非常入味,而且酸酸甜甜,再加上本身豬手嘅膠質,係好香好滑,而且亦都非常開胃。最後,我哋食咗呢度嘅白土水晶粿,粿入邊有紅豆沙蓉、綠豆、再加埋其他唔同嘅配料,令到成個粿本身非常有口感,鹹鹹甜甜,作為甜品來講都幾好。 繼續閱讀
(以上食評乃用戶個人意見 , 並不代表OpenRice之觀點。)
等級4 2020-12-28
504 瀏覽
呢個假期冇得去旅行,又冇得晚市堂食,唯有食餐好啲既lunch當慶祝~既然都留港,筆者同男友一反傳統,唔食西餐去試精緻潮洲菜~陳儀興尚潮樓喺花墟對面,我地book咗兩點鐘,避開繁忙既lunch hour。餐廳好好人,我地防疫關係話想要張鬆動啲既枱,佢安排咗樓上既四人枱比我地,坐得好闊落。食潮洲菜冇理由唔食鹵水鵝片,我地叫咗個鵝片雙拼,加$5揀咗大墨魚,墨魚咬落軟綿綿但又不失爽滑,鵝片味道對辦,墊底既豆腐永遠都係筆者至愛🥰食完鹵水再叫幾款潮式海鮮,先叫一隻潮洲凍蟹share,隻蟹超多肉,師傅拆得好靚,食得比想像中企理。平時食豉椒炒蜆多,嚟到呢度試下佢既魚露浸花甲,原來係冷盤黎既,隻隻花甲都好新鮮,完全冇沙,浸住魚露味道特別鮮甜。食完兩個冷盤開始食返啲熱盤暖胃,叫咗一隻潮式紅燒日本吉品鮑,紅燒汁非常出色,鮑魚軟腍適中,加配既婆參入口即融,超級好食🥲🥲最後食個蠔仔方魚肉碎粥作結,好鍾意潮洲粥食得出米粒既質感,蠔仔完全唔腥,同粥底好夾,加埋脆卜卜既方魚味道同口感層次更豐富,而且只係$68,非常抵食。喺店員既推介下我地share咗個潮式甜品薑薯綠豆爽,綠豆口感軟糯,糖水唔算太甜,亦都唔會太滯,係個唔錯既選擇。 繼續閱讀
(以上食評乃用戶個人意見 , 並不代表OpenRice之觀點。)
等級4 2020-12-24
328 瀏覽
早早就聽過這家潮洲餐館有不少好評趁著放假,終於可一試一甫進這間餐館,給人感覺是明亮環境舒適分開上下兩層被安排上二樓就座二樓的環境更乾淨舒適有升降機可乘搭是中式既裝修及格調二樓的盡頭,有類似小包廂格調更中式可望到街景當我們思量吃什麼的時候店員也會主動推薦,對食材都十分專業生醃膏蟹想唔到潮汕會有生醃膏蟹只是食過螄蚶另外餐廳還提供生醃賴尿蝦這碟生醃膏蟹味道十分驚豔是跟韓國的醬油蟹相類似絕對是可媲美的單自相片就看到是爆膏咬下去是軟及綿密的口感每一口都是索滿醬油,還有生蒜的味道基本上不用點醬怎可能沒有蠔烙呢炸得不油膩而且蠔沒有沙及殼把蠔處理得好好炸粉醬亦拿捏得很好,香脆可口過節大時大節吃得豐富點 是潮式紅燒日本吉品鮑魚(30頭)及婆參鮑魚味濃且溏心口感嫩滑彈牙,味道鮮甜婆參入口是滿滿的骨膠源那種軟糯口感令人一試難忘方魚肉碎蠔仔🦪粥飯粒粒飽滿味道不會過咸蠔仔亦都是粒粒脹卜卜方魚乾可提供鮮味最後以福果甜芋泥作結尾福果即白果甜芋泥又是一個要巧手工的甜品是綿密而不死甜的口感質感是似一埋泥第一次食到這麼這質既潮州菜 繼續閱讀
(以上食評乃用戶個人意見 , 並不代表OpenRice之觀點。)
等級4 2020-12-23
306 瀏覽
如果你是新蒲崗的街坊,「陳儀興」這個名字應該都不會陌生!原來這家紮根於新蒲崗五十多年的潮州老字號菜館,在太子開了一家新店 - 陳儀興尚潮樓。樓高兩層的陳儀興尚潮樓位於太子一幢三十年代的唐樓,建築物經過復修和活化後,原汁原味地保存了唐樓的獨有風格,整個概念完全融入尚潮樓對於經典潮州菜的傳承和原汁原味的堅持。鵝三寶(HK$268)👍👍👍👍👍潮州的滷水汁是越久越醇,所以這家五十多年的老店,他們的滷水當然甚有水準。這碟鵝三寶分別有鵝腸、鵝肉和鵝肝,鵝腸入口爽脆,帶點肥膏,油滑甘香;鵝件已去骨,鵝肉滷得入味並帶有絲絲香料的味道;鵝肝切成厚片,質感軟滑,有入口即化的口感,甘香的回味在口腔良久不散。魚露浸花甲(HK$158)👍👍👍👍👍花甲本身已經很鮮甜,加上魚露浸泡,就鮮上加鮮了!魚露的鹹鮮味不但沒有掩蓋花甲的鮮味,反而令味道更添層次!豆醬煮黃花魚(HK$198)👍👍👍👍👍原條黃花魚用普寧豆醬蒸煮,黃花魚的嫩滑配上豆醬的醬香,正正就是原汁原味的鮮香。豆醬蒸煮既可保留魚的鮮味又能提鮮。香煎韮菜棵(HK$48)👍👍👍👍這款香煎韮菜棵是經典的潮式小吃,外皮煙煙靭靭,皮薄饀多,韮菜香味濃馥。潮州粥(HK$10)👍👍👍👍吃潮州菜又怎可以沒有潮州粥!老藥桔(HK$20)👍👍👍👍👍這杯熱飲老藥桔就即是鹹柑桔,醃製過的柑桔有化痰、舒緩喉嚨痛的作用,味道酸酸甜甜,餐後飲一杯,既滋潤又解膩。內在環境餐牌 繼續閱讀
(以上食評乃用戶個人意見 , 並不代表OpenRice之觀點。)