醉胡爐 (已搬遷) 新店位置

有無諗過打邊爐都可以食得養生？最近去左尖沙咀韓國街附近一間【醉胡爐】，主打高級食材同滋補湯底，而且有串燒、小食同酒飲。餐廳寬敞、樓底高，乾净舒適。當然如果想用普通湯底都有啦。金翅花膠乳鴿湯：滋補花膠鷄湯搭配魚翅同乳鴿非常鮮味開胃，而且裏面仲有日本南瓜，非常清甜。湯底無用味精，所以就算飲埋D湯都唔會口渴。鷄湯令其他食材好入味，但又唔會搶左食材本身既味道。裏面花膠魚肚都好多！XO鮑魚蝦餃王：餡料超多，非常飽滿。蝦餃非常鮮甜同彈牙，但唔係好食得出XO醬同鮑魚。自家製韭菜餃：韭菜味濃但唔會over左，而且調味岩岩好。點唔點醬都ok黑松露芝心手打牛丸：個人超級推薦呢一款。手打牛丸緊實彈牙、牛味香、少粉。裏面黑松露芝士香濃，會爆出黎。超級正！手打墨魚丸：真材實料，分量十足非常緊實彈牙。不過會有少少腥味。蓮藕片：非常爽脆，煮耐D可以吸曬D湯汁精華冰豆腐：冰豆腐好少地方有得食，豆腐冰過後會有D洞洞，非常吸收湯汁，超好食！稻庭烏冬：原來一份有兩個，作爲收尾非常適合，可以將最後既精華吸收！竹蔗茅根水：清甜降火，打邊爐最岩！