醉胡爐 (已搬遷) 新店位置

食得太多火鍋放題，今次想試吓食高質火鍋單點，決定試吓呢一間餐廳🤣餐廳裝修都幾特別，座位都坐得幾舒適，門口嘅招牌好eye catching,，一望就會搵到湯底方面有好多選擇，好多都好特別，我同成班女仔去就揀咗個非常養顏嘅金湯鴿翅花膠鍋，落料個打邊爐之前店員會先請我哋不一碗飲咗個湯先，個湯都好足料，入面有三至四舊花膠，仲有成隻乳鴿喺入面，個湯飲落好鮮甜，一流！單點方面，我覺得最好食嘅係牛肉拼盤同墨魚滑！牛肉拼盤有好多唔同種類嘅牛，當中有啲部位比較罕見，自己喺屋企打邊爐嘅時候都未必買到嚟食，例如牛舌心，但係意外地又幾好食，佢有啲肉中間又有啲好似軟骨脂肪嘅物體，咬落去又有牛脂嘅香味，亦都好有咬口，幾特別👍🏻墨魚滑份量都幾大，食落非常爽口彈牙🤣推薦另外都不得不提呢度嘅蔬菜質素好高，南瓜煮淋左之後超級甜，識落一啲渣都冇👍🏻蔬菜亦都好新鮮，煮完之後除咗有湯嘅鮮味，仲食到蔬菜本身嘅甜味👍🏻除咗有火鍋配料，呢度仲有刺身同埋串燒可以食，叫咗一串安格斯牛肉試吓，估唔到超級好食，肉質好淋，入面好Juicy,超重牛味，睇嚟餐廳串燒嘅質素都好好🤣總括嚟講，呢間餐廳值得一試，侍應嘅態度都好好，定時會主動幫我哋加湯👍