影片
更多
2019-08-28
27 瀏覽
前幾日係觀塘收工， 經過見到新開左一間粥底火鍋， 有時唔係太中意放題式嘅火鍋，因為放題質素好參差， 但呢間比較特別， 係點餐形式， 成個set 比你嘆， 所以搵日收工就拉埋朋友一齊試試。星期五夜晚到， 鋪頭原來好寛敞， 位與位之間夠哂闊， 環境唔迫。我同朋友被安排到一個卡位坐。睇見餐牌， 有龍蝦餐， 海蟹餐， 同大胃王餐， 店員遞上餐牌既同時都介紹各個餐既特色， 同埋覺得我地胃口細既話， 可以試下龍蝦餐同海蟹餐各一，已經包上前菜2碟， 盅頭湯， 安格斯牛肩肉同蒜蓉泰醬焗青口， 包埋野飲任飲， 咁又幾抵！前菜係酸辣鳳爪同拍青瓜， 鳳爪係本人最愛， 呢間鳳爪幾高質， 辣得黎夠冰涼， 夏天食最岩。 手拍青瓜都整得夠凍， 又爽口。是日盅頭湯係燉雞湯， 火候岩岩好， 燉得好香。 d 料都好足， 有成半碗湯料， 絕對唔係例湯貨色。蒜蓉泰醬青口配搭新穎， 食落都唔差， 而且最緊要唔腥。冰鎮鮑魚其實係小編第一次食冰鎮鮑魚， 初頭驚會腥同太大陣海水味， 但係食完之後有驚喜， 配上胡麻醬之後同爽口質感好夾然係就係龍蝦 海蟹拼盤！ 就咁睇都覺得好新鮮， 光鮮既肉係新鮮既海鮮先見到。食海鮮食到一半， 經理特地
星期五夜晚到， 鋪頭原來好寛敞， 位與位之間夠哂闊， 環境唔迫。我同朋友被安排到一個卡位坐。
睇見餐牌， 有龍蝦餐， 海蟹餐， 同大胃王餐， 店員遞上餐牌既同時都介紹各個餐既特色， 同埋覺得我地胃口細既話， 可以試下龍蝦餐同海蟹餐各一，已經包上前菜2碟， 盅頭湯， 安格斯牛肩肉同蒜蓉泰醬焗青口， 包埋野飲任飲， 咁又幾抵！
前菜係酸辣鳳爪同拍青瓜， 鳳爪係本人最愛， 呢間鳳爪幾高質， 辣得黎夠冰涼， 夏天食最岩。 手拍青瓜都整得夠凍， 又爽口。
是日盅頭湯係燉雞湯， 火候岩岩好， 燉得好香。 d 料都好足， 有成半碗湯料， 絕對唔係例湯貨色。
蒜蓉泰醬青口配搭新穎， 食落都唔差， 而且最緊要唔腥。
冰鎮鮑魚
其實係小編第一次食冰鎮鮑魚， 初頭驚會腥同太大陣海水味， 但係食完之後有驚喜， 配上胡麻醬之後同爽口質感好夾
然係就係龍蝦 海蟹拼盤！ 就咁睇都覺得好新鮮， 光鮮既肉係新鮮既海鮮先見到。
食海鮮食到一半， 經理特地為我地先落南瓜粒芋頭粒同粟米粒， 因為煲得愈耐就同d 粥混得愈均勻。
隨後都送上其他配料， 生菜夠新鮮夠大份， 連台灣既蜂巢豆腐都有， 菜類夠鮮甜， 其實食完海鮮都飽到唔係太食到，好彩冇再叫肉 😂食到尾聲， 係時候叫店員上埋粥底， 望到先前南瓜煮得令粥底都變成金黃色， 粥底吸收哂海鮮精華， 再加上粒粒甜既粟米， 唔小心食哂成碗。
今餐實在好滿足， 經過今次咁高質用餐， 決定下次試下佢既中午飯。
張貼
