138
4
1
港鐵觀塘站 B2 出口, 步行約4分鐘 繼續閱讀
所有分店 (3)
電話號碼
23425137
營業時間
今日營業
18:00 - 00:00
星期一至日
18:00 - 00:00
付款方式
現金
其他資料
電話訂座
加一服務費
食評 (152)
等級4 2020-12-14
85 瀏覽
身為打邊爐聯盟嘅盟友,我發覺呢一年因疫症關係,打得太少邊爐,趁住禁晚市堂食前同朋友打返個勁嘅邊爐先!之後唔知要等到幾時先再有得打🤷🏻‍♀️我地嚟咗觀塘發哥食粥底海鮮火鍋,點咗龍蝦餐$288/位,除咗每人有半隻龍蝦外,仲有蟶子皇、貴妃蚌、多寶魚、黃金蜆、海蝦、元貝、安格斯牛肩肉,另外仲可以自選八款火鍋配料,真係大滿足,食到捧住個肚走!仲有竹蔗水同汽水任飲!特別一提,由於呢到冇酒牌,未有提供酒類飲品,但就可以自己帶酒!免開瓶費。首先嚟脆花生、拍青瓜兩個小食,邊食邊等水滾。呢到嘅粥底火鍋好細心,先隔咗粥底,淨用粥水打邊爐,咁就唔會痴到啲食物滿哂飯粒👍🏻姬松茸燉雞湯每人一盅,味道香濃又清甜,而且好足料!冰鎮鮑魚,肉質彈牙,質感軟腍,好鮮味!蒜蓉泰醬焗青口,好惹味!炸魚皮好酥脆鬆化,同朋友當小食咁搶住食。海鮮拼盤份量十足,好有霸氣!龍蝦好大隻,而且新鮮生猛,肉質雪白,味道鮮美;蟶子皇肉厚,鮮味彈牙;由於是夜未有貴妃蚌,就換咗鮑魚俾我地,鮑魚好活躍,仲啜住隻蝦😂元貝超大隻,淥完都冇咩縮到水,好鮮甜!多寶魚、黃金蜆、海蝦都非常新鮮,呢個海鮮盤非常高質!安格斯牛肩肉,牛味香濃,油脂甘香,肉質嫩滑👍🏻日本黑豚肉、自家製韭菜餃、自家製雲吞、高原娃娃菜、滋補花膠、自家製蝦滑,火鍋配料都係真材實料,全部都好正!為咗令粥底味道更豐富同增強口感,仲提供咗粟米/芋頭/南瓜粒。最後落返粥底入海鮮鍋,粥底綿綿,吸收哂全晚嘅海鮮精華,味道極之鮮甜! 繼續閱讀
(以上食評乃用戶個人意見 , 並不代表OpenRice之觀點。)
又去左觀塘工廠區尋寶,呢到真係好多開倉,買野又平,仲好多美食,行街行到夜就去搵食,超方便😆天氣一凍就好想打邊爐,上網見好多人推介發哥,又話抵食又話好食,一於過黎試試佢😏岀街食蟹好似有啲麻煩,所以同女友一齊揀左龍蝦餐。(其實食乜都係我拆肉佢食家啦,好彩佢話食龍蝦方便啲,仲好🤪)一入座,應該係老闆?定經理?已經過黎介紹個menu,全部都講得好仔細,又nice!鮑魚可以揀新鮮鮑魚定冰鎮鮑魚,同女友一人揀一款,就可以兩款都試哂😋冰鎮鮑魚係有少少鰹魚汁定昆布汁既味,再配日式芝麻醬泰式青口,大大隻,好食又惹味終於都到主角上場,係海鮮拼盤好吸引,隻鮑魚好新鮮,見到佢不停甘郁🙈全部海鮮都好新鮮,啲蜆亦都無沙個餐仲可以揀多8款配料,特別揀左自家製雲吞(因為老闆大力推介😂),係唔錯既,食到裡面有蝦,蝦肉爽口,證明係新鮮野👍🏻 仲有自家製蝦滑同墨魚滑,一樣係新鮮彈牙。全部份量都好足,用料又新鮮,兩個人食一定夠。食哂啲海鮮,配料食到一半已經飽左,實在太多😂 怪唔之得個個都話抵食,真係食到捧住個肚走🙈舞茸螺頭燉雞(老闆介紹過,但個名太多,唔記得啦😛)天氣甘凍,飲返碗燉湯暖暖胃先。個湯好足料,一啲都唔求其,超鍾意飲湯既女友好滿意隻龍蝦堅係靚 ^^坐下傾下抖左陣,又繼續食過。梗係啦,最精華就係之後個粥底,點可以錯過。同女友每人食左兩三碗都未清哂😛揀好餐就急不及待去拎野飲,個飲品櫃勁吸引,因為好多日式飲品,仲有自家製竹蔗茅根,岩哂打邊爐😌整體來講真係唔錯,又多選擇又多野食,一定唔怕唔夠食,只會食唔哂🤣而且老闆招呼好好,每枱客都親自去介紹,招呼,員工都好落力,不停過黎幫手收碟,加水。服務態度真係一流👍🏻 繼續閱讀
(以上食評乃用戶個人意見 , 並不代表OpenRice之觀點。)
等級4 2020-11-18
216 瀏覽
之前食粥底火鍋都係同朋友,原來女友一直未食過粥底火鍋,所以今日帶左女友去公司附近嘅發哥粥底海鮮火鍋。龍蝦餐只係$288,而且包埋前菜、燉湯、焗青口、甚至汽水任飲,每人仲可以叫八款火鍋配料,真係抵到爛😱前菜係涼拌青瓜同花生🥜估唔到食粥底火鍋都有燉湯🤩- 蒜蓉泰醬焗青口蒜蓉覆蓋曬成粒青口,加上酸酸甜甜既泰醬,滋味盡在不言中😋- 冰鎮鮑魚🧊鮑魚洗得好乾淨,肉質都爽口,不過配芝麻醬有少少怪🤨- 海鮮拼盤🦞拼盤有蝦、帶子、魚片、蜆同我最期待既龍蝦。龍蝦啖啖肉,肉質仲好肥美。蝦亦新鮮甜美,其他海鮮不過不失。我地煮海鮮之前,職員會詳細講解每款海鮮既烹製時間,確保海鮮唔會煮到老左👍🏻食完海鮮就可以打邊爐!我地可以揀八款火鍋配料,分量係二人份量,肥牛質素唔錯,蝦滑係自家製,肉質結實,味道幾濃郁。煮海鮮既時候,職員提醒我地可以先放入粥底、南瓜粒同芋頭粒。粥可謂吸收曬各種海鮮嘅精華,無任何調味料之下,粥底鮮甜綿滑,另外份量幾多,每人至少有兩碗份量。發哥海鮮粥底火鍋係我食過咁多粥底火鍋之中最抵食,海鮮質素中上,食物款式又多。發哥中午仲有超值午餐,觀塘打工仔絕對不能錯過! 繼續閱讀
(以上食評乃用戶個人意見 , 並不代表OpenRice之觀點。)
等級4 2020-11-18
92 瀏覽
白天冰室🥪晚上變身海鮮火鍋🍲放工約了同事觀塘打邊爐, 發哥粥底海鮮火鍋,日頭佢係做茶餐廳生意,晚上就會變身足底海鮮火鍋, 以新鮮海鮮為招牌,高質素價錢又唔貴一於試吓。店員招呼殷勤,知道我們鍾意食海鮮就介紹了 龍蝦餐給我們。每位$288 果然好優惠。時令燉湯套餐每位包一盅燉湯,新鮮熱辣辣,滋補養顏確實一流,最近秋風起真係暖在心頭。開胃涼菜兩小碟有我最鍾意食嘅手帕青瓜,呢度嘅鹹花生真係好脆好味道。蒜蓉泰醬焗青口青口鮮甜又唔腥,蒜蓉泰醬 甜辣夠惹味,每人兩隻少食多滋味。冰鎮鮑魚冰鎮鮑魚用料矜貴,最醒胃的前菜。龍蝦餐主食每位半隻龍蝦作主食,有氣勢的拼盤賣相。 蟶子皇、貴妃蚌、多寶魚、黃金蜆、海蝦、時令貝 豐富到不得了,經理推介說:為確保新鮮海鮮即叫即撈,好有heart!令我們品嚐到最鮮甜嘅海鮮滋味!安格斯牛肩肉特別提醒我們高級靚牛肉,果然特選安格斯牛肩肉,油花分布均勻,如雪花般的細緻油花分佈,油脂含量豐富,入口即溶。肉質鮮嫩,油而不膩。套餐真係好豐富,每檯仲可以選擇八款火鍋配料,花多眼亂你叫我點揀好呢?!高質素配料我精挑細選的有日本黑豚肉、鮮滑雞、滋補花膠⋯好味到停唔到口,值回票價。海鮮粥話明係粥底打邊爐,食到最後仲可以加入粟米芋頭同南瓜粒,加上之前各款海鮮的精華熬成一鍋海鮮粥,入口綿密味道濃郁,同事說大滿足明天繼續努力工作。 繼續閱讀
(以上食評乃用戶個人意見 , 並不代表OpenRice之觀點。)
等級4 2020-11-16
131 瀏覽
發哥粥底海鮮火鍋 (觀塘)觀塘成業街19-21號成業工業大廈地下1號舖今晚放工,朋友帶我到這裡搵食,位置都可以,在馬會位置轉個灣一直行就到,而這裡同平時食開嘅火鍋有啲唔同,就係粥底海鮮火鍋,但原來都有好多選擇,而朋友選了龍蝦,我就選了冰鎮鮑魚,還有自選8款火鍋配料,落單後好快就有不同食物上枱,時令燉湯先上,材料十足,入口潤喉,再來就係蒜蓉泰醬焗青口,蒜味夠加埋泰醬酸辣開胃醒神!火鍋配料都差不多一齊出來,生猛龍蝦開邊上,見到內裡充滿蝦膏,放在鍋內滾,肉質彈牙爽口鮮味,十分新鮮,而且夠晒蝦膏!而其他海鮮有爽口彈牙嘅聖子皇、肉質飽滿鮮味十足嘅貴妃蚌、爽口彈牙嘅海蝦、啖啖肉嘅多寶魚片等海鮮在粥底滾熟!當然還有肥美肉味濃郁嘅安格斯牛肩肉,真係好忙碌,不停滾!而任品就係任添,在自助位置取,個人覺得竹庶芧根都係一個唔錯嘅選擇!去到尾聲先係今晚嘅重點,同店員講就會將粥嘅配料倒進鍋內攪勻,個粥新味十足,完全夠飽,份量十足!另外牆上嘅裝飾都好有香港嘅特色! 繼續閱讀
(以上食評乃用戶個人意見 , 並不代表OpenRice之觀點。)