花晨月夕

呢排好多omakase都做緊優惠，今次同fd食呢間都幾好味，記錄一下留念～$13XX左右，有先付、刺身3道、御料理壽司9道、甜品，好味🫢🍀刺身3道：1）鯛魚屬白身魚，普遍味淡，勝在肉質嫩 2) 蠔嘅鮮甜而肥美，口感相當順滑 3) 紫海膽6月當造，本身幼滑得嚟相對濃厚，配三文魚子同柚子皮，食落鮮味清甜~🍀御料理：即使作為過場，略微煎過再以櫻花蝦汁煮帶子亦相當不俗🍀壽司9道：由淡至濃，層次愈漸豐富；師傅刀功、調味、力度功力十足，無論係鯛魚、貝類定係油脂豐富嘅間八等都處理得好好。火炙嚟講我最鍾意北寄貝，灑上檸檬汁同巧手一拍零舍爽口，肥美嘅魚類首選神津島 黑鯥魚 - 肉質甘厚而爽滑，至於長崎大拖羅一入口就感受到油花，超幸福☺️🍀甜品：紅酒啫喱西瓜 vs赤肉蜜瓜我就鍾意蜜瓜多啲，甜入心呀📍花晨月夕（尖沙咀站經K11 Art mall 5分鐘左右） #尖沙咀#omakase#廚師發辦#海膽#刺身#壽司