影片
更多
2021-04-05
56 瀏覽
西環尾愈開愈多裝修華麗嘅餐廳，最近去咗主打泰式fusion菜嘅享慢煮泰。性價比幾高，合理嘅價錢享受到豐富特別嘅晚餐。😻Two Course $148Three Course $188Four Course $228必點前菜🥐冬陰龍蝦湯流心牛角包少辣，一切開就爆漿，冬陰公味道香濃惹味。 🥐法式龍蝦湯流心牛角包外層同樣香脆鬆化，龍蝦湯澎湃而出，味道濃郁。🦪燒美國生蠔配泰式燒汁生蠔新鮮，味道較淡，唔會太重口味，點埋燒汁就更滋味。黑松露扇貝 黑松露味唔算突出，更容易食到鮮味。🐷泰式燒西班牙黑毛豬頸肉肉質好爽嫰，未點醬已經食到唔想停口，不過份量都唔少，有約8塊，每塊厚薄適中，切得均勻。🥘鍋炒帕能咖哩雞少有嘅干炒烹製，用心擺盤，色彩豐富，有辣椒、青椒。咖哩唔會過辣，超多雞肉浸沒喺香濃嘅咖哩，配合口感乾爽分明嘅飯粒，非常惹味。🔸Tiramisu Chessy 提拉米蘇芝味特飲店員建議可以大大啖飲，咁就可以同時享受到Tiramisu同咖啡。Tiramisu粉末幾厚身， 咖啡夠甘香。🍎薑味蘋果汁薑味唔會遮蓋左蘋果汁味，容易入口。🍨椰子雪糕配風乾鳳梨紫糯米以雞尾酒杯盛載，特別精緻。呢個配搭比較少有， 最上
西環尾愈開愈多裝修華麗嘅餐廳，最近去咗主打泰式fusion菜嘅享慢煮泰。性價比幾高，合理嘅價錢享受到豐富特別嘅晚餐。😻Two Course $148
Three Course $188
Four Course $228
必點前菜
🥐冬陰龍蝦湯流心牛角包少辣，一切開就爆漿，冬陰公味道香濃惹味。
🥐法式龍蝦湯流心牛角包
外層同樣香脆鬆化，龍蝦湯澎湃而出，味道濃郁。
🦪燒美國生蠔配泰式燒汁
生蠔新鮮，味道較淡，唔會太重口味，點埋燒汁就更滋味。
黑松露扇貝
黑松露味唔算突出，更容易食到鮮味。
🐷泰式燒西班牙黑毛豬頸肉
肉質好爽嫰，未點醬已經食到唔想停口，不過份量都唔少，有約8塊，每塊厚薄適中，切得均勻。
🥘鍋炒帕能咖哩雞
少有嘅干炒烹製，用心擺盤，色彩豐富，有辣椒、青椒。咖哩唔會過辣，超多雞肉浸沒喺香濃嘅咖哩，配合口感乾爽分明嘅飯粒，非常惹味。
🔸Tiramisu Chessy 提拉米蘇芝味特飲
店員建議可以大大啖飲，咁就可以同時享受到Tiramisu同咖啡。Tiramisu粉末幾厚身， 咖啡夠甘香。
🍎薑味蘋果汁
薑味唔會遮蓋左蘋果汁味，容易入口。
🍨椰子雪糕配風乾鳳梨紫糯米
以雞尾酒杯盛載，特別精緻。呢個配搭比較少有， 最上層插住香甜風乾鳳梨， 似濃縮左鳳梨嘅精華，酸酸地夠開胃。軟滑嘅椰子雪糕底下有唔少香甜嘅紫糯米，多重口感。
🍮官燕椰汁燉蛋白配北海道紅豆（+$18）
凍食嘅蛋白夠香滑，面層除咗鋪滿大量紅豆，仲鋪上少量金箔官燕，係店內相對豪華嘅甜品。
#lemongrass #thailand #thaifood
張貼
