享慢煮泰 (已結業)

Fusion Thai 菜😆香港港島CP值超級高嘅泰式西餐廳🤣其實之前喺OpenRice見到呢一間評分幾高，咁啱朋友又住喺附近，所以我哋就決定咗嚟試試啦。我覺得佢好值得喺OpenRice獲得高評分，因為真係我食過數一數二咁好食嘅泰國菜！加上人均大概三$400左右已經可以食晒一個套餐，香港隊區嚟講間就係超級平民價錢。主食呢我哋就嗌咗和牛面頰，個慢煮嘅和牛入口即化，放入口裏面佢嘅香味會慢慢再滲出嚟，同埋和牛嘅質素本身已經非常嫩口，齒頰留香！另外個生蠔配上一個佢嘅特製嘅醬料，我覺得都幾開胃😆 另外仲嗌咗杯泰國奶茶，大家都知道泰式奶茶通常都比較甜啲，但佢唔會去到好甜🤣…查看更多

本身見到呢間餐廳喺Openrice訂枱有八折優惠，但感覺性價比唔算特別高，同埋唔係特別好食，慎入！⚠️⚠️⚠️我哋4個人嗌咗瑪莎文咖喱和牛面頰、真空慢煮挪威三文魚配冬陰功飯、蟹肉流心蛋龍蝦汁燴飯、馳名龍蝦湯流心牛角包，整體嚟講餐點冇話特別泰式/法式，似普通西餐多啲，同埋嘢飲踩雷😵‍💫個芝士奶蓋桃味梳打細杯+奶蓋味道大伏，真係唔建議，就唔放喺上面啦😵呢個價錢食其他西餐廳一定食到更高質嘅嘢食，可以試個牛角包嘗鮮但絕對唔會二刷😔（題外話：個餐牌唔知點解有陣噏味，揀嘢食嘅時候一路聞着嗰陣怪味真係好痛苦）…查看更多

去到堅尼地城同朋友聚餐，之前食過一間泰式Fusion菜—Lemon Grass覺得環境不錯，又好食又抵食，所以向朋友提議嚟依度食晚飯。個Set Dinner Menu真係估唔到咁抵食，$298已經包括Welcome Drink，我揀咗有酒精嘅drink係Prosecco🥂有頭盤、燒物、主菜，仲有甜品，真係好抵食呀！冬蔭龍蝦湯流心牛角包————————————個牛角包🥐剛出爐嘅感覺，一切落去好脆，一層一層好鬆化，流出冬蔭龍蝦湯，非常特別，有冬蔭功嘅酸辣味道，又好香龍蝦湯味，又幾夾喎，配埋牛角包食，勁滋味。慢煮和牛面頰 配瑪莎文咖喱————————————和牛面頰煮到好淋身，一啲都唔韌，令到咖喱好入味，肉嘅份量都好多。馬莎文咖喱非常濃郁，微微辣，有椰奶香味，都幾Creamy，配飯好正🍛燒香草黑毛豬肋骨————————————以甜甜蜜蜜嘅毛豬肋骨，夠味，大大條骨都唔少肉架🤤以蕃薯條做配菜好正呀，好香甜薯味👍🏼招牌龍蝦汁蟹肉伊麵————————————濃稠嘅龍蝦汁真係充滿龍蝦香氣🦞好濃郁呀，蟹肉份量都唔少，同伊麵又好夾喎，因為伊麵好掛汁呀，啖啖精華👍🏼泰式奶茶流心牛角包————————————牛角包🥐實在太好食啦🤤所以甜品都揀咗🥐一切落去，甜甜又有獨有香料香氣嘅泰式奶茶就流出嚟，奶茶☕️配牛角包🥐，好夾👍🏼同朋友都飽到捧住肚走，超抵食呀。…查看更多

早排去左西環睇日落 就諗住係附近搵間餐廳享受一下 見到呢間裝修幾靚 價錢正常 就諗住試下頭盤- 必點的 冬陰功流心牛角包一切開個包湯汁流哂出黎！ 個冬陰功湯就唔太辣 就算唔太食得辣既朋友都可以試下 酸酸地十分開胃燒物 - 燒西班牙粟飼豬頸肉好怕啲餐廳燒到又乾又燶 呢度燒得香之餘 入面仲有汁 再配上個淡淡泰式酸汁 食完唔會太過油膩主菜 - 燒香草黑毛豬肋骨/至尊海鮮酥皮火山鍋主菜揀左豬肋骨肋骨同酥皮湯 好在揀咗呢個配搭豬肋骨肉味香濃而且鬆軟多汁 成排肉多到食唔哂至於酥皮湯就係龍蝦湯底 入面有元貝 蜆 蝦 青口 同真姬菇 海鮮鮮甜而龍蝦湯濃厚順滑 加上酥脆酥皮認真唔錯甜品 - 真空慢煮鳳梨焦糖燉蛋呢個甜品好食過外面既焦糖燉蛋 脆卜卜既焦糖加埋綿密既燉蛋 底下仲有鳳梨味變化 完美作結總結係一間食物質素唔錯 價錢合理 環境寧靜既餐廳 如果係附近活動完 推薦大家試一試…查看更多

Happy Friday, 同事推介到 Lemon Grass by Fast Gourmet食Lunch，OpenRice coupon 買一送一，一百蚊都唔晒就食到3-course Lunch set，真係超值。1. 前菜馳名龍蝦湯流心牛角包呢個真係正，牛角包酥皮內裡包住熱騰騰嘅龍蝦湯，一切落去龍蝦湯就立刻從牛角包中心流出來，只係呢一下體驗已經值回餐價。值得一讚嘅係牛角包仍然保持酥脆，龍蝦湯味道唔錯，相信這道菜式都幾考廚師嘅功夫。香脆嘅酥皮配埋熱騰騰嘅龍蝦湯，真心係好～2. 主菜慢煮挪威三文魚配玉子燒兩塊大大塊嘅三文魚配埋玉子燒，大滿足。玉子燒蛋白成份比較多，比日式玉子燒淡色，味道也比較清淡，配埋泰式辣醬，食到另一番風味。3.甜品鳳梨蓉焦糖燉蛋Crème brûlée 融合咗鳳梨蓉，頂層有焦糖脆脆，中間燉蛋，底層有鳳梨蓉。呢款甜品fusion幾特別。今次無加購任何其他燒物或餐飲，餐價$158，買一送一後，每位按原價加一，埋單每人$95，就食到一頓3道菜午餐，大滿足…查看更多

啲野好L咸，食多兩啖都甩頭髮，啲飯同麵煮到爛晒，啲魚同蝦有好大陣雪味，啲魚子又有，搞到成盆野都有怪味，啲食物真係好L難食，個廚師究竟有冇試過味，好失望，食完要洗胃…查看更多

上個星期適逢喺堅尼地城附近返工，咁啱朋友過咗嚟搵我食lunch，於是就上嚟OpenRice睇吓有咩餐廳又可以坐得舒服，價錢又OK嘅。見到呢一間餐廳嘅評價都好好，於是就諗住嚟試一試。我今餐就食咗個佢最出名嘅龍蝦湯牛角包同埋蟹肉流心蛋龍蝦汁燴飯。首先講吓龍蝦湯牛角包，本身對呢個食物嘅期望都好高，因為見到好多客人都有叫，而且係OpenRice上面嘅評價都唔錯。咁佢一上菜嘅時候其實個包都係熱辣辣，而我一切開嘅時候，入邊嘅龍蝦汁就流出來，非常特別，而且好香口。而佢嘅燴飯都好特別，都有好濃郁嘅龍蝦味，同埋蟹肉嘅份量都唔少。但係略嫌我覺得有啲唔好嘅地方就係，因為我嗌咗兩味餸都係龍蝦湯，所以就有少少撞咗個味道，不過呢個都係我自己嘅問題，所以係唔關餐廳事嘅。整體上我都非常之推薦呢間餐廳，一嚟坐得好舒服，二來佢嘅食物都真係非常之有特色，如果經過堅尼地城嘅朋友，不妨來試一試呢一間法式fusion餐廳。…查看更多

買OpenRice coupon過嚟食lunch，特登試吓佢個流心牛角包，感覺都幾得意，好似有啲湯喺個牛角包入邊一次開就流出來！！我同同事個主菜都覺得好味，下次可以再過嚟食！…查看更多

享慢煮泰是位於堅尼地城的餐廳。法式龍蝦湯流心牛角包：這道菜以其精緻和美味而聞名。牛角包外層酥脆，內裡則是滿滿的濃郁法式龍蝦湯，吃起來十分豐富和滿足。流心效果完美，龍蝦湯湯汁流出時，帶來一種令人愉悅的驚喜。龍蝦湯的味道鮮美，帶有濃郁的海鮮香氣，配合牛角包的酥脆口感，絕對是一道令人回味無窮的美食。慢煮法式焦糖燉蛋：這道甜點展現了慢煮的獨特魅力。燉蛋口感綿密順滑，配上香濃的焦糖醬，簡直是一種奢侈的享受。慢煮的過程讓蛋的口感更加細膩，並且使焦糖醬的風味更加深入，給這道甜點帶來了獨特的層次。無論是作為餐後甜點還是單獨享用，這道慢煮法式焦糖燉蛋絕對能夠滿足您的味蕾。這兩道菜品展示了享慢煮泰對於料理藝術和創新的追求。無論是品質還是味道，都值得一試。無論您是法式料理愛好者還是尋求新鮮美味的食客，享慢煮泰都是一個不錯的選擇。…查看更多

預付買咗個$268四道菜套餐，食物偏濃味但整體質素不錯，但服務態度非常不能接受！在OpenRice 預購套餐時寫明用餐時間為90分鐘，但職員致電確認時卻說晚市用餐時間只有75分鐘，我當時就即刻話訂果陣啲條款唔係咁寫，佢勁唔like咁話轉頭內部check下先… 到咗果晚到餐廳時我話自己叫Mary Chan訂咗7:00枱買咗套餐，啲職員搞咗成幾分鐘先安排我入坐，然後仲要大大聲咁串我哋話我留果個叫Mary，唔係Mary Chan，喺度俾說話我哋聽我已經有少少嬲… 然後我哋都未坐定餐牌都未睇就話同我哋講咗用餐時間只有75分鐘！我心諗正常晚市都起碼90分鐘啦，90分鐘4道菜也不算太過份，加上如果真係有人等緊我哋食完都會識做轉場飲嘢，唔會專登阻人做生意！再者我confirm booking果陣已經請咗佢check下明明係寫90分鐘… 我坐都未坐好就又係咁提醒我… 之後不會再去幫襯！ 亦絕對不會推薦！！…查看更多

餐廳面口已經full到個陣高級感，入到去燈光暗暗地，我地book 6點食 去到係未有人，稍後有多反小小人 入坐率大約50% 。我地安排係sofa位，係大張對住嘅雙人 sofa。氣氛一流，除左坐落會有d矮。職員全部都好熱心 Serve 起好，換碟 清枱 點餐全部都好細心，好似食緊酒店餐高級西餐感。食物質素都相當好，338食到 完全超值。 海鮮拼盤：龍蝦x0.5 細型嘅龍蝦 D肉大概同一隻蝦差吾多，味道正正常常。蝦x3：意外地好鮮甜彈牙。籃青口：朋友話好食 我吾食 吾知～另外有配個汁 酸酸地幾開胃 豬頸肉：燒得都啱啱好，食落都脆口吾硬，都有配個汁 係清新 淡淡地 有d香料感嘅味。 慢煮雞胸：凍頭盤，肉質軟腍 外層包住青醬 好濃味。但係就冇入到味 個雞肉本人就冇咩味，但整體夾埋食係吾錯。 白松露菇：炒得好香 好有鑊氣 好似係鐵板到炒感，松露味剛剛好 吾會搶左菇味 牛角包：切開流心真係好吸睛，出面超脆，不過因為入布嘅汁係全液體 所以會令到入面個芯好濕 個口感冇感好，如果個汁杰反小小 應該會好d。龍蝦湯 同 冬蔭功 個味都好出 好香，不過就普通味 純粹食個特別。反而奶茶味較為推介 一切開勁香 茶味超濃 但完全吾會甜 超出想象嘅好食。 伊麵：味道超香濃龍蝦汁 但吾會鹹，入面有好多蟹肉 加埋d蟹子 食落好有口感，個麵係較幼身嘅伊麵 掛到好多汁 都吾會太腍。好有意粉嘅感覺 但係伊麵黎 魔鬼魚：香料味好香 但有小小太鹹，好少餐廳有魔鬼魚食 係值得一試。個魚肉係叉起一片片個面係好滑 好似魷魚感 咬落又一絲絲感 好特別。 椰子雪糕：超香椰子味 入面仲有椰絲 香滑中食到d口感 大推 焦糖燉蛋：個面係脆焦糖，下面個蛋係較軟身，有小小太甜 熱情果奶凍：奶凍好滑 奶味較淡，熱情果味好出 酸酸甜甜同個奶凍好夾。 另外本身食75分鐘 我地足足食左超過個半鐘都冇人趕我地走，成個環境氣氛一流 西餐黎講上菜係超快，一黎就擺底2個海鮮拼盤先，除左主菜 嗌嘅嘢食都5分鐘左右會上到…查看更多

呢晚黎到堅尼地城，食泰法fusion菜！呢間餐廳環境方面都幾適合朋友聚會，慶生亦好岩，食物高質價錢唔算貴！Set dinner $268起，有牛角包、預食、主菜加甜品，但單點好像靈活d 冬蔭功龍蝦湯流心牛角包 ）$58濃郁龍蝦湯配淡淡冬蔭功酸辣味道，配合脆脆牛角包係幾唔錯！慢煮美國雞胸低脂營養餐 $138 （蛋白卷營養餐）慢煮雞胸超大塊，食落唔乾，而且配泰式辣醬都幾夾， 蛋白卷則似平時煎燶邊太陽蛋嘅文果走蛋黃，淡淡胡椒調味真空挪威三文魚配冬蔭燴飯 $158三文魚柳煎得好香脆～冬蔭味意大利飯配翠肉瓜泰式奶茶流心牛角包$68 今次的牛角是泰奶口味，甜品黎熱辣辣香甜泰奶茶流心內餡唔會過甜很滿足真空慢煮鳳梨蓉焦糖燉蛋 $68 香滑焦糖燉蛋隱約帶點熱帶鳳梨香甜～白桃芝味特飲 $44頂層芝士奶蓋有玫瑰花瓣作裝飾，配上有汽桃果汁，桃味香溢，味道層次豐富。埋單$587，都算合理！…查看更多

西環呢間主打慢煮料理的法國菜fusion餐廳餐廳開業以黎都榮獲多項獎項🏆佢地既招牌流心牛角包好吸引店員介紹佢地既料理都係用少量調味和油去炮製務求保留到食材既原汁原味比客人享用♥︎➜龍蝦湯流心牛角包 $58呢個牛角包真係好值得食 十分推介外表好夠脆 一切開就流心 龍蝦湯味道仲好濃郁龍蝦湯既份量又唔會過多令到牛角包變腍➜燒西班牙粟飼豬頸肉$88豬頸肉用燒既方式令油份更均勻 更惹味肉質爽口 又唔會太肥膩 點埋個酸辣汁仲正➜至尊酥皮海鮮火山煲$248呢個咁巨型既酥皮煲都好吸引有個小鎚比你扑穿個酥皮 入面係小小辣既冬蔭功醬汁煮海鮮有青口 大蝦 海蜆 雜菌等 好入味加多個薄餅/法包點汁食就更加正➜蟹肉流心蛋龍蝦汁燴飯$168燴飯入面真係好多蟹肉 超級足料 仲有蟹籽將流心蛋拌勻 每啖都有蛋香同龍蝦汁既味道➜𝐓𝐢𝐫𝐚𝐦𝐢𝐬𝐮 𝐂𝐡𝐞𝐞𝐬𝐲 $𝟒𝟒面頭個層芝士奶蓋真係有tiramisu味配上香濃既齋啡真係好夾鍾意飲咖啡既朋友真係可以試下➜𝐒𝐩𝐚𝐫𝐤𝐥𝐢𝐧𝐠 𝐏𝐞𝐚𝐜𝐡 𝐂𝐡𝐞𝐞𝐝𝐲 $𝟒𝟒唔飲咖啡既就可以試下呢杯蜜桃梳打佢加左莓果蓉 味道好清新 芝士奶蓋上面仲有玫瑰花瓣裝飾➜真空慢煮鳳梨蓉焦糖燉蛋 $68呢個配搭都幾有驚喜 賣相仲好靚焦糖夠脆 燉蛋亦好滑 唔會太甜加上底部酸酸甜甜既鳳梨蓉 令味道更有層次 …查看更多

幾年前食過主打慢煮法國菜嘅Fast Gourmet主打保留食材原汁原味同少調味少油料理原來佢哋喺西環開咗間姊妹店，主打泰菜同樣有佢哋最出名嘅流心牛角包🥐計過數都係套餐最抵食，包咗頭盤、燒物、主菜同甜品.📍4 Courses Signature Menu（$268）.🔹Starter 頭盤🔹❥冬蔭龍蝦湯流心牛角包牛角包外層酥脆🥐，一切開龍蝦湯即時流晒出嚟🤩賣相幾吸引😍，其實味道唔錯不過食唔出冬陰功味.❥燒白松露真姬菇炒得香口，而且口感夠爽🍄.🔹From the grill 燒物🔹❥燒西班牙粟飼豬頸肉切到好薄身，食到豬油甘香但又唔會好肥膩🐖點埋旁邊酸酸辣辣嘅泰式汁更加開胃😋.❥花生醬沙嗲雞串雞串有2條，用上雞髀肉，肉厚又夠滑，雞皮燒到香脆非常好食🐓.❥燒美國生蠔蠔肉唔夠鮮嫩🦪，老咗啲🤏🏻.🔹 Main 主菜🔹❥真空慢煮和牛面頰配瑪莎文咖喱汁咖喱食落超香🤩，完全唔辣仲有好強椰子味🥥牛面肉份量唔少，大大件入口超軟腍，完全冇筋仲要好重膠質🥰另外配有白飯，用嚟撈咖哩汁真係一流🍛！.❥至尊酥皮海鮮火山煲原個酥皮海鮮煲打卡一流📸，而且堅好食❤️‍🔥！酥皮香得嚟唔油膩🧡海鮮湯非常濃郁又夠熱♨️加埋一齊食🌊真係唔錯！有蜆、蝦肉、帶子、青口做配料，煮得啱啱好唔會過老😆整體味道比較重，建議同朋友share會比較好～.🔹Dessert 甜品🔹❥真空慢煮鳳梨蓉焦糖燉蛋焦糖脆面夠香脆👍🏻，燉蛋幼滑🐣，底層仲有少少菠蘿肉🍍.❥泰式奶茶流心牛角包牛角包超流心又酥脆🤎，不過中間流心餡只覺得甜甜哋，唔多覺係泰式奶茶味🧋.📍笑看風雲 ($55）賣相特別，係一杯相當溫和嘅latte🖤.📍提拉米蘇芝味特飲 ($52）將tiramisu整成飲品☕️，咖啡味突出，啱晒咖啡迷🤎，配上頂層幼滑嘅奶蓋🧀，完全係驚喜之選☕️.📍白桃芝味特飲 ($52）芝士奶蓋做得唔錯，有鹹香唔會太膩，不過白桃梳打就較淡味，整體唔夠突出.Ps: 呢間餐廳拎咗好多獎🏆，最近仲係OpenRice 入圍最優秀法國菜餐廳開飯熱店，喺OpenRice 投完票 show俾店員睇仲有神秘禮物添🎁…查看更多

西環泰式fusion菜餐廳 — 享慢煮泰呢間位於西環堅尼地城嘅泰式fusion菜餐廳，主打慢煮料理，呢度嘅環境夠晒闊落，再加上窗口落地大玻璃真係好chill🤩見到餐廳開業以來攞過好多獎，最近佢哋嘅分店喺OpenRice 入選最優秀法國菜餐廳開飯熱店～見到佢哋而家仲有禮物可以換🎁如果食客投餐廳一票，再向店員顯示紀錄，就可以獲得餐廳用心製作嘅神秘精美禮物一份～而且廚師係以少調味、少油黎炮製菜式，可以保留食材嘅原汁原味🐮瑪莎文咖喱和牛面頰($168)咖喱汁好惹味，味道係偏甜嘅，食落完全唔會辣，牛面肉炆得好軟腍，而且牛肉份量多，仲配上白飯，可以撈埋一齊餸飯好正！🥐龍蝦湯流心牛角包($58)係店內嘅係人氣食品，一切開龍蝦湯香味慢慢流出，湯再渗入牛角包，好似食緊平時嗰啲酥皮湯咁！🍮法式焦糖燉蛋 ($68)整得好滑溜😍！🍚白松露流心蛋意大利飯配烤菜花($138)味道較清淡，但口感好豐富，而且充滿醬汁，入口好濕潤。🦀蟹肉流心蛋龍蝦汁燴飯 ($168)成碟都係蟹肉！面頭加上翠玉瓜、帶子、流心蛋、炸蒜，真係好足料！🍹提拉米蘇芝味特飲($44)即係芝士奶蓋咖啡特飲，好似飲得嘅特濃咖啡版tiramisu咁!☕️笑看風雲($50)呢杯都係咖啡特飲，係混合左橙、活性炭同奶泡🍑白桃芝味特飲 ($44）頂部蓋滿芝士奶蓋，下邊就係白桃梳打…查看更多