61
4
2
港鐵堅尼地城站 C 出口, 步行約3分鐘 繼續閱讀
電話號碼
68878147
21239018
開飯介紹
這間是中環享慢煮意的姐妹店,融合慢煮與泰式料理,主打泰式fusion菜。更把熱湯注入牛角包酥內,富有驚喜。 繼續閱讀
營業時間
今日營業
11:30 - 21:30
星期一至日
11:30 - 21:30
付款方式
AlipayHK 支付寶 現金
其他資料
網上訂座
賞訂座積分
加一服務費
當面支付
有關獎賞計劃
食評 (71)
等級4 2021-01-13
151 瀏覽
這次去堅尼地城逛街,看到有家環境不錯的餐廳,餐廳是吃泰式Fusion菜的🤤。餐廳環境裝修很美,還有特色擺設☺。餐牌上有多款午市套餐供應,跟餐還可以升級小食和飲品。💥泰汁燒美國生蠔 HKD$58,這個一份有兩隻,這個無論是味道/賣相也是不錯的📸。泰式生蠔是第一次吃,這裡的生蠔大隻肉質肥美,味道酸酸甜甜挻特別。💥泰式大蝦柚子沙律 HKD$28,面頭的大蝦很大隻,肉質爽口鮮味,有很柚子肉令到口感更豐富😎。沙律做餐前小食既健康又開胃,是個不錯的選擇。💥黑毛豬頸肉紅咖哩意粉 HKD$108,上菜時已聞到很香的咖哩味,咖啡味道適中,味道是微辣🤤。豬頸肉肉質腍身入味🤭,意粉口感煙韌。💥慢煮三文魚冬蔭公燴飯 HKD$128,以慢煮方式做的三文魚口感較嫰滑,同時保留到肉汁,入口腍身不會感到韌😋。燴飯味道濃郁,口感煙韌入味。💥泰式奶茶流心牛角包 HKD$28,店家最有名氣的是流心牛角包,所以點了一個來吃。一切開裡面的醬汁不停湧出來,很吸引亦聞到很香的味道。牛角包口感酥脆,裡面層次分明,醬汁味道濃郁而不太甜😍。跟午餐可以升級飲品 ,我們加了HKD$25升級特色飲品,點了熱玫瑰鮮奶咖啡和提拉米蘇芝味特飲。飲品味道各具特色,熱飲咖啡還有美美的心型拉花💕。食物質素和味道不錯,價錢中等,環境不太嘈吵。可以慢慢地悠閒地享受午餐,跟朋友談天挻享受的❤。 繼續閱讀
(以上食評乃用戶個人意見 , 並不代表OpenRice之觀點。)
等級4 2020-12-14
868 瀏覽
西環堅尼地城蘇豪區開了一間新的泰國餐廳,它們主要賣牛角包,把牛角包演繹得維肖維妙,連不是太喜歡牛角包的卡米拉也十分讚!Lemon Grass餐廳位於加多近山,在堅尼地城蘇豪區中帶著一份寧靜。Soft Opening Menu 可選兩道菜至四道菜,價錢由$148至$228加一。我們選擇了四道菜的餐,有牛角包、前菜、主菜及甜品。跟餐的飲品需要另外加$10,也沒有什麼特色,我們就沒有點。另外也可單點。龍蝦湯流心牛角包及冬蔭龍蝦湯流心牛角包各有特色,牛角包的酥皮鬆香。兩者一切開,湯汁就湧出來。龍蝦湯流心牛角包比較西式,適合喜歡傳統料理的食客。冬蔭功龍蝦湯的口味比較新穎,牛角包吸收了兩款湯的湯頭也很有驚喜。前菜我們選了燒美國生蠔及龍蝦鳳梨沙律。生蠔看起來很肥美,蠔輕輕燒過保留了海水味,呈半濕潤狀態,配上泰式辣汁很清新。龍蝦鳳梨沙律入口清新,龍蝦也很鮮美。主菜我們選了冬蔭龍蝦汁燴海鮮及泰式燒西班牙黑毛豬頸肉。這個龍蝦汁的味道和牛角包內的龍蝦湯,似乎選咖哩入饌的主菜會有較多變化。海鮮份量也不少,有青口、帶子、蝦等,全部也很鮮甜。泰式燒西班牙黑毛豬頸肉相對而言沒有太大特色,不過肉汁也能好好鎖住。最後以甜品作結。法式焦糖燉蛋入口嫩滑,甜度不高。椰子雪糕配鳳梨及紫糯米中雪糕椰汁味很香,黑糯米米香味十足。 繼續閱讀
(以上食評乃用戶個人意見 , 並不代表OpenRice之觀點。)
等級4 2020-12-13
546 瀏覽
11月時的2人聚餐,友人上網見到西環尾開了一間餐廳,主打泰法fusion菜,當中的名物是冬蔭龍蝦湯流心牛角包,十分吸引,見個價錢又唔貴,一於試下,thank友人book位。店子裝潢似西餐廳,周圍佈置了不少泰國裝飾品及盆栽,有小清新之感,不失泰國風情,樓底高有空間感,坐位尚算闊絡,晚上時段甚有氣氛。Menu:two course $148three course $188four course $228據聞是試業優惠價,用$228可試到4道菜,都真係幾抵,本想試牛面頰,可惜當日售罄呢。Tiramisu Cheesy,跟餐特飲+$28,友人的。Storm Rider(笑看風雲),跟餐特飲+$28。人氣咖啡特飲,混合橙、活性炭及奶泡,圓杯盛載,黑白色的組合似雲石呢,有藝術的美感,入口順滑。冬蔭龍蝦湯流心牛角包,主打必食。,切開牛角包,澎湃的湯餡湧出,牛角包口感酥脆,冬蔭龍蝦湯少許辣,湯汁浸軟了牛角包入口更美味,似酥皮龍蝦湯之感,同時估唔到味道都幾夾。燒美國生蠔配泰式辣汁,生蠔新鮮,配上生蝦辣汁,甚有特色,少許辣,味道清新可口。冬蔭龍蝦汁燴海鮮,配白飯,冬蔭龍蝦汁,味道酸酸辣辣(幸好唔算太辣),下飯一流,海鮮有蝦、蜆肉及青口等,份量豐富,鮮味十足。泰式燒西班牙黑毛豬頸肉,配白飯,豬頸肉,口感爽脆,香口惹味,味道不俗。椰子雪糕配風乾鳳梨及紫糯米,泰式的甜品,以雞尾酒杯盛載,賣相精緻,椰子雪糕軟滑,紫糯米香甜,口感豐富。真空慢煮法式焦糖燉蛋,面層的焦糖薄脆味道香甜,燉蛋口感軟滑。食物有水準,賣相靚有創意,而且好抵食呢。 繼續閱讀
(以上食評乃用戶個人意見 , 並不代表OpenRice之觀點。)
等級4 2020-12-10
375 瀏覽
成日都好鍾意試唔同國家菜式fusion嘅餐廳,今次聽講有間新開嘅泰式fusion菜,仲要喺堅尼地城咁近我,就搵埋一位同我一樣咁鍾意泰式風情嘅朋友一齊去食啦。餐廳有份soft opening menu,有得揀two/ three/ four courses,為食嘅我地就揀左four courses,每set都只需$228,有一份流心牛角包、一份starter,一個main同埋一個dessert。唔知係因為soft opening先咁抵,定之後都會係呢個價錢咁抵食啦。🦞冬蔭龍蝦湯流心牛角包喺中間一刀切落去,啲冬蔭功龍蝦湯流曬出黎,成個畫面好靚。冬蔭功味比較重,稍微有啲掩蓋左龍蝦湯嘅味,所以似係比較creamy嘅冬蔭功湯,但都好好食。🥐法式龍蝦湯流心牛角包呢個嘅龍蝦湯味濃好多,我個人比較鍾意呢個。牛角包中間浸滿龍蝦湯好正。🦪燒美國生蠔配泰式辣汁(Starter)每份有兩隻生蠔。每隻生蠔都好大隻,差唔多有手掌咁大隻,上面滿佈泰式辣汁,個汁有啲似明爐烏頭個汁嘅味,好正。我地叫左兩份。🥩瑪莎曼咖哩和牛尾(Main)咖哩好香濃,味道係甜甜地,唔辣但好食。和牛尾有三大舊,肉質好嫩滑。仲有啲煮得好軟淋嘅紅蘿蔔,配白飯一流。🍣真空慢煮挪威三文魚 配冬蔭意大利飯(Main,+$18)店員推介話呢道菜係呢幾日新出嘅,佢話呢個risotto唔係用意大利飯嗰隻米,係用泰國米。聽落覺得幾特別,所以揀左呢個。慢煮嘅三文魚特別嫩滑,同埋佢表面燒過,燒得有啲日式嘅炙燒三文魚咁,幾香幾好食。泰國米煮risotto幾特別,冇平時嘅risotto咁硬身,冬蔭功味濃而又唔會太酸,好食。🥥椰子雪糕 配風乾鳳梨 及紫糯米 用cocktail杯裝住好靚,勁啱打卡用。椰子雪糕嘅椰子味好濃,會食到中間有椰絲。配上風乾鳳梨同埋紫糯米,充滿泰國風情。🍮真空慢煮法式焦糖燉蛋呢個好好食!好彩有叫!焦糖燉蛋上面有一塊燒過嘅風乾鳳梨,燉蛋底下又有啲菠蘿蓉,好特別。個燉蛋係慢煮嘅,問過店員,佢話要煮兩個鐘。比起平時嘅焦糖燉蛋,呢個慢煮嘅燉蛋更加creamy更加滑,食落個口感好似食緊mousse咁,但又充滿蛋香,好食。我覺得自己會再黎食! 繼續閱讀
(以上食評乃用戶個人意見 , 並不代表OpenRice之觀點。)
等級4 2020-12-08
288 瀏覽
最近留意到屋企附近新開左間泰式fusion菜,經過幾次都見到裏面幾多人食,上網search過發現佢哋有個招牌推介嘅流心牛角包,呢日專程嚟試!Soft Opening menu上有2/3/4course可以選擇,價錢由分別係$148/188/228,價錢方面都幾抵。 ✨龍蝦鳳梨沙律先嚟頭盤沙律,沙律菜新鮮爽甜,鳳梨清甜冇渣,蟹籽龍蝦入面真係有粒粒龍蝦肉,係個好開胃嘅頭盤!✨冬蔭龍蝦湯流心牛角包喺金黃牛角包上灑滿椰絲,賣相吸引😍牛角包外皮酥脆鬆化,一切開牛角包,裏面熱辣辣嘅冬蔭龍蝦湯即刻流出,冬蔭味道香濃,但唔辣,所唔食得辣嘅人都可以食!此外椰絲嘅清甜幽香同冬蔭龍蝦湯味道又幾夾!✨法式龍蝦湯流心牛角包法式龍蝦湯嘅龍蝦味道香濃突出,非常鮮味,感覺有啲似酥皮龍蝦湯,而牛角包索滿濃湯,吸收哂所有鮮味👍🏻上面仲有大量芝士碎,令整體更鮮味濃郁。✨花生醬沙嗲雞串燒雞串火候掌握得唔錯,雞肉外層帶焦香,但內裡肉質好嫩滑,配埋特製嘅花生醬沙嗲,惹味開胃!✨冬蔭龍蝦汁燴海鮮(配白飯)冬陰功好香,香料味十足,但就唔會好辣,亦唔會太濃味,入口味道比較清香。入面仲有大蝦,蜆,青口,好鮮味!✨泰式燒西班牙黑毛豬頸肉(配白飯)豬頸肉燒得香口,肉質保持滑溜,又彈牙👍🏻秘製泰式辣汁好惹味,食到停唔到口!✨真空慢煮法式焦糖燉蛋面層焦糖脆卜卜,燉蛋creamy幼滑,蛋味香濃。✨椰子雪糕配風乾鳳梨及紫糯米賣相吸引,雪糕有濃濃嘅椰子清香,底下仲有椰果,紫糯米,更增口感,而且鐘意佢嘅甜度適中,唔會過甜,好清新! 繼續閱讀
(以上食評乃用戶個人意見 , 並不代表OpenRice之觀點。)