169
16
8
港鐵堅尼地城站 C 出口, 步行約3分鐘 繼續閱讀
電話號碼
68878147
21239018
開飯介紹
這間是中環享慢煮意的姐妹店,融合慢煮與泰式料理,主打泰式fusion菜。更把熱湯注入牛角包酥內,富有驚喜。 繼續閱讀
營業時間
今日營業
11:30 - 21:30
星期一至日
11:30 - 21:30
付款方式
Visa Master AlipayHK 支付寶 現金 AE 微信支付
其他資料
網上訂座
賞訂座積分
加一服務費
當面支付
有關獎賞計劃
食評 (207)
等級4 2021-07-11
67 瀏覽
之前去過中環Fast Gourmet食下午茶,食過返尋味,不過今次去西環主打泰菜嘅姊妹店食晚餐,分別點咗兩道菜(HK$158)、三道菜(HK$208)。🍴龍蝦鳳梨沙律爽口龍蝦肉加上清甜菠蘿壓成球,仲混合咗大量蟹子,味道同口感都好豐富。🍴冬蔭龍蝦湯流心牛角包龍蝦湯依舊濃郁,遇上酸辣冬蔭,味道複雜但非常之夾,比純龍蝦湯更有層次,更得我心。🍴冬蔭龍蝦汁燴海鮮食完牛角包,唔好畀佢停,呢道菜嘅湯汁比牛角包稀,但味道依然濃郁,配埋鮮甜海鮮滋味到不得了,食完碗飯,當然要飲埋啲湯先完美。🍴招牌西班牙黑毛豬腩配黑毛豬頸之前試過豬腩,調味較,今次畀多次機會佢,睇下佢會點用泰式調味去煮。豬腩同豬頸肉都係慢煮完再燒,豬腩腍滑,重油香,豬頸肉肥膏爽口,一啲都唔油膩,泰式調味在於咖喱南瓜蓉,細滑到可以用「汁」形容,好香甜,伴碟仲有紫椰菜,夠酸爽,解膩一流。🍴椰子雪糕配風乾鳳梨及紫糯米意式雪糕口感綿密,椰味香濃,再加上椰絲、椰果,真好「椰」。本以為風乾鳳梨口感似乾果,但咬落好似啄啄糖,好新奇。煙韌紫糯米撈埋椰子雪糕食,係泰國嘅味道。🍴泰式奶茶 HK$36、鴛鴦 HK$48奶茶本身想叫少甜,但店員話預先調好,飲落茶香、奶滑、甜味平衡得恰到好處。鴛鴦就係泰式奶茶加一份特濃咖啡,份外香濃。📍Lemon Grass by Fast Gourmet西環堅尼地城卑路乍街150號加多近山地下A號舖 繼續閱讀
(以上食評乃用戶個人意見 , 並不代表OpenRice之觀點。)
等級4 2021-06-13
1119 瀏覽
lemon grass之前新開既時候已試過好幾次,佢地啲野食CP值真係好高,個泰式Tea set 絕對係小資港女們打卡首選 二百幾蚊又有燒蠔又有帶子 真係超值呀今日三點幾去已經full house咁濟,勁多人呀,我地咋咋臨order 左先,之後已聽到無晒Tea set!等左十幾分鐘左右,個tea set 就黎喇 頂層係海鮮,燒美國生蠔、燒日本帶子,廚師喺bar 枱即燒即上碟 所以黎到仲係熱辣辣架 個燒生蠔肉質夠哂飽滿,配埋特製泰式汁,夠哂惹味中間呢就係啲熟食,包括有西班牙黑毛豬頸肉溫室青瓜刈包、芒果蟹肉牛油果多士、黑松露野菌脆春卷~最底呢就係甜品區,分別有官燕椰汁燉蛋白,芒果糯米飯,鳳梨焦糖燉蛋,泰式奶茶芝士蛋糕。鳳梨焦糖燉蛋呢個combination好特別 ,中間夾住啲菠蘿肉除左令個焦糖燉蛋油膩度減低而且仲幫佢增加口感,正~之後就梗係加$28要個法式龍蝦湯流心牛角包一上碟已經聞到陣陣龍蝦香味,食落就好似飲緊龍蝦湯咁!配埋烤焗後嘅酥脆外皮牛角包,表面撒上薄薄一層芝士粉,口感層次非常分明~最尾仲要左個燒波士頓龍蝦$158 龍蝦肉質爽口彈牙,而且加入泰式辣汁一齊燒,超級惹味呀至於飲品,就梗係要叫個thai tea la ~~~ 朋友就叫左芝麻latte 都好好飲呀~~ 繼續閱讀
(以上食評乃用戶個人意見 , 並不代表OpenRice之觀點。)
等級4 2021-06-09
743 瀏覽
好耐都無去過西營盤,咁岩要去果邊接男朋友,行下行下見到哩間門口好似酒店好令既餐廳,點知係食泰國野,都唔錯,所以就去試下啦!😋食物方面:叫左2份3 course $208 和2杯飲品⚪️冬蔭公龍蝦流心牛角包冬蔭公龍蝦流心牛角包好香,切開就見到流心既效果,冬蔭味好濃郁,咬落有外脆內軟既感覺!🤩⚪️龍蝦湯 (套餐+38)好足料既龍蝦湯,好滑味道好濃郁!⚪️冬蔭公龍蝦汁燴海鮮 (+68半隻龍蝦)賣相好令,味道都唔錯,海鮮好新鮮,用D汁撈飯正,成碗飯食哂!😛⚪️真空慢煮挪威三文魚配冬蔭燴飯慢煮三文魚好嫩滑,燴飯軟硬適中,✨味道好惹味,好食!⚪️真空慢煮焦糖燉蛋焦糖燉蛋好滑好香濃,加埋上面層好脆既焦糖好正!⚪️Mocha⚪️Matcha Latte飲品正常發揮!整體方面:餐廳好令,一D都唔似食泰國菜,食物有特式,特別係我咁中意食龍蝦既人😍由湯,牛角包,主菜都可以試哂龍蝦既菜式,覺得好滿足,同男朋友都食得好開心!! 繼續閱讀
(以上食評乃用戶個人意見 , 並不代表OpenRice之觀點。)
PMQ附近間享慢煮意我食過好幾次,早前得悉佢喺西環尾開咗間姊妹店🇹🇭「享慢泰煮」。我想幫襯好耐㗎喇😛,呢日終於約到朋友一齊去食。幸好我哋收得早,七點鐘就到達餐廳,嗰刻都已經有人食緊,之後一直有人入座,未到八點經已全場爆滿,人氣超高👏!我哋用App訂位,如果單點菜式可享折扣優惠,但睇落好似都係晚餐抵食啲🍽。呢度嘅晚餐幾好,彈性高,可以自行揀選食幾多道菜,而每道菜之間就相差$50。冬蔭龍蝦湯流心牛角包,🥐我對流心牛角包並唔陌生,而今次流心嘅餡係富有泰國風味嘅冬蔭功湯,辣辣哋幾惹味🤤。由於夠熱同即刻食,所以湯汁係可以做到流心嘅效果,並唔會索晒落個包度。我個人鍾意佢仲多過法式龍蝦湯,搞到我有啲衝動想追加個湯添。龍蝦鳳梨沙律,🥗沙律菜新鮮,口味獨特,估計加咗啲蜜糖芥茉醬,配合埋菠蘿粒,甜甜的味道令人忘記係食緊草,講笑啫🤣。菜名所指嘅龍蝦其實係小龍蝦肉🦞,當中混入咗蟹籽同沙律醬,無論口感定味道都令人回味。龍蝦汁蟹肉伊麵(+$28),我非常鍾意呢道Fusion菜式,皆因佢用上中式伊麵做麵底,伊麵比起意粉更為掛汁🍝!蟹籽龍蝦汁鹹香濃郁,但並唔會重口味,仲同餸料夾到不得了。🦀蟹肉海量咁多,我真係未見過一碟麵上面有咁多囉,就算假蟹柳都冇啦,而且餐廳將蟹肉處理得好好,一啲蟹殼都冇留低😉。另一邊廂,客人可以選擇加$68要半邊龍蝦,不過我認為唔加都已經好正,但價錢唔貴,都可以考慮吓。招牌西班牙黑毛豬腩配黑毛豬頸,🐷豬,全部都係豬,一次過有齊豬腩肉同豬頸肉,滿足兩個願望。豬腩好邪惡😈,瘦肉連埋肥膏一齊食,口感層次豐富,軟綿嘅脂肪入口即溶,令人又愛又恨;唯一略嫌豬皮唔夠脆。豬頸肉則好大塊,唔乾身,仲好重香茅味添。配菜方面,🎃南瓜蓉香甜不膩,份量又夠多;另外仲有紫椰菜沙律、粟米筍同秋葵,色彩繽紛,好睇又好食。官燕椰子燉蛋白伴北海道紅豆(+$18),雖然我唔鍾意食紅豆,但都覺得個組合幾夾。甜品用上官燕同金箔裝飾,要加錢都好合理吖。🥚而主角燉蛋白自身亦都好出色,因為蛋味醇厚,質感實在,無溝太多水,還原度極高。椰子雪糕配風乾鳳梨及紫糯米,🍨自家製嘅椰子雪糕絕不欺場,而且並不單調,加咗其他配料,以進一步提升泰滋味。🥥雪糕椰香爆滿,搭配埋椰絲同椰果,稱得上係錦上添花;而底部嘅紫糯米唔會過甜,帶點軟糯,同雪糕相映成趣。夏天食呢個冇得輸。飲品方面🥤,除咗水之外,全部項目都要加錢,但定價都算合理,而且選擇繁多,有特飲同酒等。我哋就嗌咗果汁(+$10),分別係蘋果薑汁同有氣紅提子汁,估唔到連飲品都好有誠意。🍎蘋果汁加咗薑,飲落真係會辣喉;而提子汁就並唔係用巨峰糖漿沖嗰啲,反而有啲似紅酒,但冇酒精🍇。題外話,呢度嘅環境同服務都能為餐廳加分👍。店員們態度和藹有禮,服務積極,並會留意客人用餐嘅速度,從而合時地上菜同收碟。環境方面,裝修幾靚,用上唔少植物同吊燈作擺設🪴,而且仲有個大玻璃窗添。即使餐枱密度幾高,但仍留有一定空間,客人坐得舒服。總括嚟講,我對呢餐晚餐超滿意,基本上搵唔到任何一個扣分位💯。食嘅時候,我會覺得份量好似爭少少,特別係豬嗰碟,但食完成餐又OK喎,到瞓時都唔餓。綜合上述各點,😋再加上帶有泰式風味嘅食物更啱我胃口,下次幫襯我會想嚟西環店多啲呢😛。推介🌟! 繼續閱讀
(以上食評乃用戶個人意見 , 並不代表OpenRice之觀點。)
老豆生日,諗住請佢食d特式野,就揀咗堅尼地城呢間泰西fusion餐廳,仲早一個星期經OpenRice訂左位😌我地6:30am入座,時間尚早冇咩人,餐廳裝修唔錯,但地方比想像中細,後來餐廳開始多人時啲人係咁喺身邊行過感覺唔係太安心😐餐廳主要有兩個menu,一個係有齊all course嘅dinner set,一個係有得揀2/3/4 course嘅set menu~✨法式龍蝦湯流心牛角包🥐講到明係Signature梗係要試下,點知冇咩特別,所謂流心就即係切出黎有湯流出黎🤔🤔食嘅時候都麻煩👀另外croissant唔算好香脆,龍蝦湯味道又唔算好出,又食唔到有龍蝦肉,外皮唔知係咪焗太耐仲有啲苦,實在唔明點可以成為Signature。。✨法式龍蝦湯🦞呢個要除左當係additional course(+$50)之餘仲要加$38,以為佢有咩料到,原來普通到不能再普通😂唯一就係有淡淡嘅龍蝦鮮味。。。✨龍蝦鳳梨沙律🥗比起個湯,呢個沙律表現更出色😃生菜菠蘿都好fresh,龍蝦肉都叫啖啖肉(雖然用雪藏龍蝦肉就一定咖啦😅)仲有啲蟹籽鋪面令口感更有層次👍🏻✨真空慢煮挪威三文魚配冬蔭公燴飯以為冬蔭公味會好香好濃,原來唔係,係好濃味,但唔係冬蔭公😅好處係怕辣人士都岩食,同埋三文魚都算幾大塊,但唔知係咪個飯太濃,三文魚顯得好無味。。✨龍蝦汁蟹肉伊麵呢個當係additional course再另外加$28,一句講哂唔好食,我呀媽直頭食左一半就俾左我地食😂✨瑪莎曼咖喱和牛面頰🐮牛面頰煮得幾淋,咖哩好重好濃味,岩哂送白飯😆但坦白講個味道喺出面一般西餐廳都唔難食到,只能講唔難食✨招牌西班牙黑毛豬腩配黑毛豬頸🐽咁多個main之中最有驚喜🙈🙈豬腩有少少炭燒嘅味道好好食,豬頸都入味又唔韌,配菜同擺盤都好有心思👍🏻但係份量就真係有啲少😅😅男朋友好唔滿意✨真空慢煮法式焦糖燉蛋 & 官燕椰汁燉蛋白配北海道紅豆話咁快又到甜品環節☺️Creme Brûlée係雪櫃拎出黎,成個都係凍😅官燕椰汁燉蛋白係孝敬媽媽的,上面有好多紅豆,燕窩同金萡令成件事高級左少少,味道就正常發揮啦,當一個course再加$18值唔值就真係見仁見智服務方面整體ok,我呀爸呀媽好多要求都滿足到(例如加熱啲啲飯、要熱水等等),雖然餐廳後來人多時表現匆忙,但都會適當時候加水,主要serve我地嘅一位外籍侍應係係幾有禮貌,但係一入餐廳時唔知佢睇唔到定乜野,我父母入黎時佢就關門,度門差啲撞親佢地😓😓不過重點一題嘅係,呢間餐廳用餐時間為75分鐘,睇餐牌再加食3個course或以上感覺極匆忙☹️☹️呢樣野要大扣分,感覺似食快餐,侍應亦喺我爸爸食starter食到一半時就上主菜(張枱多碟到擺唔落都要照擺)😟在OpenRice book位時已註明係生日慶祝,但全程同普通book枱客冇分別,再加上一開始都講左餐廳比較細同多人,所以我覺得絕對唔適合喺呢度慶祝重要日子😅😅OpenRice有人話喺餐廳慶祝anniversary、話係Fine Dining,根本係唔可能😂我俾負評原因係4個人食左近千蚊,book左枱講明係生日,都仲要係速食咁嘅感覺😐生日主角都有表示不滿,食物發揮亦好一般,只係裝修好啲,張枱好細又唔好坐,唔怪得其實唔洗提早book位都有位啦😅😅 繼續閱讀
(以上食評乃用戶個人意見 , 並不代表OpenRice之觀點。)