影片
更多
2022-07-08
460 瀏覽
➖ U.S. Prime Beef 'entrecôte'睇相可能睇唔出件肉眼有幾大塊，大約差唔多10吋長2吋厚咁上下，厚扒既好處係無咁容易過熟，佢呢塊扒亦都煎得好靚。件扒好淋而且肉味香濃唔洗點汁已經好好味。另外佢跟既薯仔係用鴨油黎焗，平時普通焗薯已經好好味，佢呢個就多左一份好特別又幾好味既味道，可以話昇華左個薯仔➖ Lobster 'Bouillabaisse' Bistronomique上網睇Bouillabaisse正宗係用魚湯黎煮其他魚肉黎食，當然亦都有好多唔同海鮮配搭既改版。而呢度個改版就用左龍蝦湯黎做底，入邊有原隻波龍、蜆同麵包，三款食材都嗦哂啲龍蝦湯汁，食完一定要飲埋個湯。雖然無食過正宗版，但我就鍾意呢個改版多啲，湯底同食材方面感覺比較吸引啲➖ Red Prawn Risotto個飯軟硬適中同時個汁煮到好入味，佢個汁我估佢係用左啲唔同既海鮮加埋咁煮出黎，好濃郁好好味。紅蝦好大隻啖啖肉食落好滿足➖ Crispy Suckling Pig w/ sauerkraut & potato塊皮就咁睇都已經覺得好香脆，底下既肉仲好嫩滑，不過成份乳豬既肉真係唔多，我諗塊皮同啲骨都佔左7
睇相可能睇唔出件肉眼有幾大塊，大約差唔多10吋長2吋厚咁上下，厚扒既好處係無咁容易過熟，佢呢塊扒亦都煎得好靚。件扒好淋而且肉味香濃唔洗點汁已經好好味。另外佢跟既薯仔係用鴨油黎焗，平時普通焗薯已經好好味，佢呢個就多左一份好特別又幾好味既味道，可以話昇華左個薯仔
➖ Lobster 'Bouillabaisse' Bistronomique
上網睇Bouillabaisse正宗係用魚湯黎煮其他魚肉黎食，當然亦都有好多唔同海鮮配搭既改版。而呢度個改版就用左龍蝦湯黎做底，入邊有原隻波龍、蜆同麵包，三款食材都嗦哂啲龍蝦湯汁，食完一定要飲埋個湯。雖然無食過正宗版，但我就鍾意呢個改版多啲，湯底同食材方面感覺比較吸引啲
➖ Red Prawn Risotto
個飯軟硬適中同時個汁煮到好入味，佢個汁我估佢係用左啲唔同既海鮮加埋咁煮出黎，好濃郁好好味。紅蝦好大隻啖啖肉食落好滿足
➖ Crispy Suckling Pig w/ sauerkraut & potato
塊皮就咁睇都已經覺得好香脆，底下既肉仲好嫩滑，不過成份乳豬既肉真係唔多，我諗塊皮同啲骨都佔左7成
➖ American Clams w/ white wine sauce
大大粒既美國蜆每一隻都好肥美，同埋真係一粒沙都無，配埋個白酒汁食真係一流，最後食完啲蜆個個都係到𢳂啲汁飲
➖ Alaska Crab Meat Linguine
呢個意粉可以做到我心入邊第二好食既位置，首先講面頭隻蛋佢都幾大作用，撈埋成碟令到個意粉更加掛汁，佢用既汁有啲似Risotto個汁一樣都係好濃既海鮮汁。意粉入邊有一絲絲既蟹肉同埋仲有啲鹹豬肉粒，每一啖個口感味道都好好
➖ Escargots à la Bourguignonne
細個記得好多普通西餐都會有焗田螺所以成日都食到，但依家真係唔係度度都有得食。呢到啲田螺都幾大隻，但個味道就比較淡口，我覺得個香草醬可以濃味返啲，底下既薯蓉好滑好牛油香幾好食
➖ Pan-Fried Foie Gras w/ caramelized fruit
鵝肝煎得岩岩好，食到入口即溶既感覺，下面既生果好解膩，成碟野既配搭都好夾
➖ Classic Steak Tartare
牛肉嫩滑唔靭，但我就覺得無咩味，如果調味方面做返濃味小小會更好
➖ Alaska Crab Cake
用料十足既蟹餅，我諗入邊有95%都係蟹肉黎，正因為太多蟹肉所以一切開就散哂。蟹餅外面調味唔錯，而入邊既蟹肉就無調味可以食返蟹肉原本既鮮味
🪧 餐飯其實好ok，不過環境就有個小問題，坐樓上樓底唔高而且棟牆好唔吸音，坐滿人咁多枱一齊講野啲回音嘈到好頭痛，所以黎呢度無咩必要都唔好坐樓上
13 瀏覽
0 讚好
0 留言
13 瀏覽
0 讚好
0 留言
17 瀏覽
0 讚好
0 留言
13 瀏覽
0 讚好
0 留言
12 瀏覽
0 讚好
0 留言
14 瀏覽
0 讚好
0 留言
5 瀏覽
0 讚好
0 留言
9 瀏覽
0 讚好
0 留言
8 瀏覽
0 讚好
0 留言
13 瀏覽
0 讚好
0 留言
張貼
