長阪燒 (已結業)

今次去左位於旺角砵蘭街既長阪燒！一入到去就見到一個充滿住日本氣息既特式牆，好多種唔同花紋既燈籠。一坐低就睇吓個菜單，就揀左套餐A。📍馬友自家製一夜干 $238員工拎到埋黎既時候，已經聞到燒魚個種獨有既味道！用筷子一篤「咯嗞---」外脆而內又軟糍糍熱呼呼大大啖既魚肉，真係充滿驚喜，魚肉又滑又嫩。食落去調味料既味道唔算好重，老闆介紹到 先用清酒洗魚，再用鹽醃左7分鐘，再用清酒洗魚身，之後再燒，所以個皮少少鹹香 入邊啲肉質好鮮甜 再加上馬友本身嘅油脂香！📍燒物—牛舌及日本黑豚 $38@黑豚肉一入口即溶，洋溢出幸福既脂肪油香，真係咬咗好耐都先捨得吞落肚。至於牛舌，咬落去肉汁好多，而且唔會俾本身牛肉既油脂搶哂啲味，廚師亦都燒到牛舌有焦焦地，夠哂惹味。📍燒三文魚飯團 燒明太子飯團 $28@飯團混入三文魚肉+芝麻+紫菜碎，食落外面脆卜卜，裡面軟熟，味道豐富，有啲米餅嘅味道；明太子飯團顏色鮮艷有魚香，偷偷地教大家一個食法，就係一啖飯團加一啖茶，食落去就好似食緊茶漬飯咁樣，好清香！📍松葉蟹膏多士 $118用蟹膏來搽麵包真係好吸引！麵包會吸哂蟹膏既精華，蟹膏入面應該有落到蒜蓉，而且蟹膏味道唔同平時食到既大