水木日本料理 (已搬遷) 新店位置

收工約左幾個friend 食飯，諗住去OpenRice search下有啲咩附近嘅餐廳推介，咁啱大家想食日本嘅，依間餐廳有幾多好評，就諗住去試吓，真心有驚喜喎。間餐廳係2樓，環境唔算好大但都好乾淨舒服，啱晒一班人傾計。我哋叫咗廚師發板，貪佢唔使諗。第一道嚟咗個黑松露蒸蛋，唔單止有黑松露，仲有黑松露油做調味，個蒸蛋好滑好好味。之後嚟咗個面豉湯，但冇影相。跟住係雞泡魚干，同一啲類似芝士餅乾嘅，兩樣都幾香口好味，因為都偏鹹所以應該幾適合送酒。等咗咁耐終於到壽司啦，有吞拿魚啦，三文魚，魷魚，甜蝦，三文魚子，海膽。推薦吞拿魚同三文魚，因為真係入口即溶，好好味。之後仲嚟咗個三文魚沙律同燒魚頭，沙律酸酸地好適合夏天整體好Fresh好開胃。魚頭都係普通嫌少，幾香口冇乜特別。最後有個紅豆水信玄餅，清清地作結。整體餐廳質素唔錯，環境幾清靜好適合一班人聚餐。