瀛豐放題料理專門店

今日同老公係銅鑼灣行完街，心血來潮好想食放題，就是但搵左一間日本放題嚟試試。一入到瀛豐放題餐廳，原來裝修咗比之前大咗好多，座位仲比之前寛落。而呢間放題有180款港、日、泰美食，今次同朋友揀左晚市放題，另外我地加咗$499任食大閘蟹🦀兩個鐘，大閘蟹比我想像中大隻，每一隻都好多膏，點埋醋一齊食會帶出蟹嘅鮮味，同埋無咁油膩。刺身拼盤起碼有12款，種類好多全部刺身都好新鮮。加$138可任食生蠔同埋海膽帶子🦪生蠔好肥美，食落好爽甜帶有少少海水味，而且仲好新鮮，配埋檸茄汁一齊食帶出生蠔既鮮味。海膽入口即融配埋肉質嫩滑帶子一齊食口感好豐富。泰式燒帆立貝好香牛油味, 燒到熱辣辣帆立貝好新鮮啖啖肉。餐廳設有自助區有甜品、冷盤小食、雪糕、飲品，種類好豐富。