胡爐 (已結業)

今日同朋友嚟到葫蘆打邊爐！餐廳裝修較為中式復古，店員親切有禮。我哋叫咗胡椒豬肚花膠湯，湯底濃郁，豬肚洗得非常乾淨！花膠口感有像漿口，感覺有非常多膠原蛋白！呢個湯底我飲咗好多碗，胡椒味越煲越濃！冬天食非常暖身。餐廳嘅火鍋材料都非常高質！黑毛豬擺盤非常漂亮，係玫瑰花嘅形狀！豬肉鮮甜嫩滑，食落去有香甜嘅玉米味。黑松露魚丸係餐廳手打製成的！味道爽口彈牙，黑松露味非常濃郁。呢間餐廳火鍋好高質！已經約定咗朋友冬天嘅時候再嚟一次