醉胡爐 (已搬遷) 新店位置

約左成班fd去食呢間醉胡爐，貪佢入面卡位坐得舒服之餘佢地既湯底聽聞好高質，結果果然無令我地失望。胡爐醉八鮮鍋 $398我地揀左佢最出名，期間限定既胡爐醉八鮮鍋，鍋入面本身就有鮑魚，龍蝦，花膠，魷魚，青口，卜卜蜆，叱螺，花枝，用料十足，而且佢加湯之前會俾你睇下d海鮮先。店員之後會加海鮮湯，最後再加d酒上去再點火，超級驚喜。店員會第一時間提你可以先試下佢地既海鮮湯，個湯真係好鮮，飲得出係用左好多唔同既海鮮熬製出黎，回味無窮。胡爐十二道牛盛盒 $688有齊哂唔同部位既牛拼盤，除左常見既牛舌心，安格斯之外，仲有d比較唔常見既例如池枝，邊爪，坑爪等等，一次可以食均哂唔同部位，岩哂咁多位食肉獸。其中最有驚喜既就係封門柳同坑爪，黎到基本都要試下。泰式無骨鳳爪 $78無骨鳳瓜岩哂我地呢班懶人，作為前菜有少少酸酸地非常開胃。紫菜炸響鈴 $88呢個係店員推介既，即叫即炸，上碟時店員仲介紹可以先試下原味先，果然新鮮既響鈴真係無得輸，再加上淡淡既紫菜味，無論淨食或者碌兩碌先食都係咁好食。丸類拼盤 $128一共有五款丸，每款兩粒，其中我覺得黑松露丸同芝士蝦丸都好好食。黑松露丸既松露味濃而唔搶，芝士蝦丸爽口彈牙，