影片
更多
2018-02-20
2962 瀏覽
🕰⏲⏱等位呢間火鍋放題一定要講一講，出名夠抵食，但未免真係太多人排隊！我想講我已經好醒目用app(App 名: The gulu) ‼️‼️‼️黎排隊拎飛，但我就算拎左飛都要排！一係就太早拎然後我人都未到，就超高速飛走左我！.實測過星期六7點15分禁，係要到10點幾先到您張飛🤨😒點等？！尤其是您係4人位，基本上您6點幾未禁飛，您果晚都唔好諗住有得食.👩🏻🍳👨🏻🍳服務佢點菜好方便，一入座就會俾個QR code您，一掃就會redirect您去點菜既網址，iphone用戶就咁用相機對住qr code就得！而且亦好環保，唔好side晒啲點菜紙。唯一問題係，如果個食客無或者唔識用智能手機，咁點算呢？.入座後計兩個半小時任飲任食，落完單之後，啲野食係極速就會送到，，而且完全無漏單，仲要砌得好靚仔，真係要讚！唔止送野食快，佢收盤既速度都好高！.🍲食物🍲普遍食物質素都高，好新鮮，蝦🦐呀，菜呀，肉類都好新鮮！而且為左迎合一衆芝士控口味，好多配料都有芝士，例如有芝士蟹柳，芝士獅子狗，芝士丸等等😍😍.配料同飲品選擇都幾多下！只係菜都有6,7款。可惜點既醬汁唔係好多野揀，得普通生蒜，葱，辣椒，炸蒜，芫茜，豉油同
🕰⏲⏱等位呢間火鍋放題一定要講一講，出名夠抵食，但未免真係太多人排隊！我想講我已經好醒目用app
(App 名: The gulu) ‼️‼️‼️黎排隊拎飛，但我就算拎左飛都要排！一係就太早拎然後我人都未到，就超高速飛走左我！
.
實測過星期六7點15分禁，係要到10點幾先到您張飛🤨😒點等？！尤其是您係4人位，基本上您6點幾未禁飛，您果晚都唔好諗住有得食
.
👩🏻🍳👨🏻🍳服務
佢點菜好方便，一入座就會俾個QR code您，一掃就會redirect您去點菜既網址，iphone用戶就咁用相機對住qr code就得！而且亦好環保，唔好side晒啲點菜紙。唯一問題係，如果個食客無或者唔識用智能手機，咁點算呢？
.
入座後計兩個半小時任飲任食，落完單之後，啲野食係極速就會送到，，而且完全無漏單，仲要砌得好靚仔，真係要讚！唔止送野食快，佢收盤既速度都好高！
.
🍲食物🍲
普遍食物質素都高，好新鮮，蝦🦐呀，菜呀，肉類都好新鮮！而且為左迎合一衆芝士控口味，好多配料都有芝士，例如有芝士蟹柳，芝士獅子狗，芝士丸等等😍😍
.
配料同飲品選擇都幾多下！只係菜都有6,7款。
可惜點既醬汁唔係好多野揀，得普通生蒜，葱，辣椒，炸蒜，芫茜，豉油同沙茶醬，連麻醬都無😫.
特別既配料有平時少見啲既
🐷豬肺: 唔算好出衆，不過中間氣管位幾脆！
🐚台式響鈴: 會比平時既響鈴厚身，可以吸多啲汁
🍠紫薯: 唔係特別甜,但幾粉
🥒秋葵: 新鮮，不過我平身唔中意食
🥦三星葱貢丸: 超級爆汁，食既時候小心啲
🐟潮州魚蛋: 超級脆同彈，但本身無乜味
🥠台式蘭花干: 即係長啲大條啲既豆卜
🐸田雞: 幾鮮甜，都算有肉
🦑墨魚牛扎糖: 外形好似牛扎糖，糖既部分係墨魚汁丸，果仁位係墨魚粒，幾好食
抹茶湯丸，奶黃湯丸
50 瀏覽
0 讚好
0 留言
💚💚最最特別既，一定要數奶黃湯丸同抹茶湯丸，奶黃湯丸得手指尾咁細粒，無乜味，抹茶湯丸就正常size, 個餡幾好食，不過放佢地係咸湯度滾，外皮始終有點怪怪的，幾得意既，可以試下
.
手打三寶丸
35 瀏覽
0 讚好
0 留言
手打丸唔係特別出色，不過有好多款可以揀！雞丸不推薦，無咩味，係幾嫩滑囉
.
🍜湯底🍜
有成18款可以揀，兩款季節限定，鴛鴦鍋要加$50, 鍋底幾好飲，麻辣鍋以放題黎算係好高質，藥膳就淡左少少
.
💰💰💰價錢 (成人)
星期一至四
17:00-21:30 $158
21:30後 $138
星期五，六，日，假期
17:00-21:30 $168
21:30後 $148
.
19:30前結賬離席可減$10
.
🌀⚠️⚠️總結⚠️⚠️🌀
您問我係咪勁好食呢？我覺得係水準之上既，但無咩野食特別深刻，但以呢個價錢，仲要任食，就真係好抵食，兩個半鐘又岩岩好！要數最值得讚應該係佢上菜真係好快，又無漏單！
.
唯一一個大問題就係排隊，所以記得用app拎飛！
張貼
