申子居酒屋

營業中

休息中

天氣好熱，胃口麻麻，食日本野壽司就啱哂。朋友推介旺角呢間居酒屋。入到去要上一層，我哋未到7:00已經好多人幫襯，半個鐘後座無虛席，越夜越熱鬧。申子新卷店員推介。鮮甜creamy海膽配上脂香吞拿魚腩和魚子+蔥碎十分美味。極上鹽燒牛舌芯牛舌芯好厚身，牛味香濃，口感彈牙，鍾意食牛舌朋友一定要試試。燒油甘魚鮫油甘魚肥美，燒得甘香，魚肉嫩滑，醃得入味，好美味。拖羅蓉脆米餅好特別的小食，拖羅蓉好新鮮鮮甜，脂香四溢。加上三文魚粒，口感更豐富，而米餅有嚼口，好食。火炙大蝦讚岐烏冬最後來到主食，湯底濃郁，充滿蝦香，炙燒大蝦大隻又新鮮，成碗連湯食哂。