星海薈﹒譽宴

營業中

休息中

沙田石門除左係馬鐵站隔離既商場有好多野食之外，其實再行出少少，近濱景花園大馬路有一座近年落成的沙田萬豪酒店。今次我地就入左「譽宴．星海薈」食晚餐。今次我地叫左幾個餸：老火例湯、鮮露荀炒帶子、竹笙石榴球、蜜汁黑豚肉，仲有個燕窩奶凍。首先講一講呢個餐廳，佢整個裝設佈置都好用心，特別是個餐具，絕對符合到酒店餐廳既氣派。好啦，先講返啲食物，老火例湯好足料，十分好飲。至於個鮮露荀炒帶子，帶子大大粒，而且又夠鮮，配埋露荀簡直一流。竹笙石榴球，一來手工精緻，二來個醬汁十分好食，令成個菜都加哂分，呢個真係必點的。蜜汁黑豚肉，蜜汁到位，令豬肉味道昇華哂。最後，我地點左兩客燕窩奶凍，味道唔似一般奶凍咁樣假甜，食完唔會有好甜既感覺。