Wagyu Ya (已結業)

呢間充滿日式風味嘅燒肉餐廳，有吧枱、有卡位。先叫一個沙律，沙律菜新鮮，有沙律酸汁，仲有蕃茄，幾開胃！之後就到主菜。肉食者拼盤：和牛和牛和牛🤤分別有牛舌、肩胛、西冷及肉眼，每樣有3塊。牛舌幾碟切，夠爽口，比起一般牛舌更有牛香。牛肩胛呢個肉質較結實，唔會太肥，和牛味較牛舌香濃。和牛西冷，和牛味再濃啲，肉質夠林，油脂分布平均。和牛肉眼最肥美，一咬入口即溶，有和牛油香。拼盤仲有菠蘿，食完咁邪惡嘅和牛，就燒返個菠蘿refresh下～Wagyu ya don😍賣相靚又非常豐富～有鵝肝、海膽、和牛、三文魚籽、左口魚、吞拿魚蓉，全部都勁新鮮勁好食！流口水 🤤餐廳質素好高，物有所值！