四季良晨 (新都城中心) (已結業)

又去將軍澳見下朋友，今日佢帶我去佢近排最鐘意食嘅台灣餐廳。😝位置都幾方便，係地鐵上蓋嘅商場入面，去到就攞位先，都幾多人，好在咁岩有人離開。😊入到去坐低左，服務員會俾menu 你睇，佢有台式飲品飲啊！揀好野食就要出去點餐同俾錢，講番個枱號就會有人送到去你張枱到。❤️1️⃣紅燒牛肉麵😋呢個係朋友最愛嘅，佢話個味好好，我入落就覺得牛肉味有得黎又唔會太濃，清清地咁，都幾好味。2️⃣鹽酥雞扒滷肉飯雞就正正常常，當我見到滷肉飯好似好乾同好少嘅時候，諗住食得清清地都可以，但原來佢下面已經有汁同油，正正。3️⃣滷水豆腐4️⃣涼拌黑醋茄子5️⃣鐵觀音朱古力😍第一次試咁嘅配撘，又幾得意，係好飲嘅，下次黎都會再叫！6️⃣芝士奶蓋鐵觀音👍🏼奶蓋控嘅我梗係要叫啦！都唔錯！