影片
更多
2020-10-17
412 瀏覽
難得一見嘅秋刀魚刺身尼間良心餐廳已經喺灣仔鬧市營運左好多年，聽過好多人推薦話又抵食又正，話啲刺身好新鮮同款式多，所以就試下。時令魚—— 秋刀魚刺身原來秋刀魚喺秋天盛產，以前不嬲食開燒嘅煮法，覺得肉偏乾，喺度竟然見到有刺身嘅食法，當然要試。佢係原條切件咁上，我哋一試，係 超 級 嘅 好 食！！！！！滿口嘅油香，但唔會似拖羅咁油膩，係比較清爽嘅，深粉紅色嘅肉就質感好濃郁。我地加上薑茸、葱絲同柚子醬油，簡單而清新，令人非常難忘！河豚壽司喺香港好難得見到有得食河豚，仲要真係有貨，梗係要試下架啦～ 雖然有河豚薄片刺身，但唔想食太多，就點左壽司。可能我期望太高啦，我覺得比我想像中普通，好爽口，肉質有彈性。喺香港難得有河豚就一定要試，河豚刺身對廚師要求好高，一唔留神就會留左啲毒素喺啲肉度～ 所以好彩廚師處理得宜姐～油甘魚壽司、象拔蚌壽司、立魚壽司太震撼啦！竟然每件只係$13，平過間迴轉壽司店啦，仲要唔係啲平價魚，真係超抵食！除左尼啲，$13仲有得揀三文魚腩、赤貝、赤海老等等，真心抵食。我覺得魚幾種魚當中，油甘魚質素好高，有油香味，而立魚就比較普通，同出面嗰啲差唔多。同舊飯有啲大舊，不過握得好好，唔會
尼間良心餐廳已經喺灣仔鬧市營運左好多年，聽過好多人推薦話又抵食又正，話啲刺身好新鮮同款式多，所以就試下。
時令魚—— 秋刀魚刺身
原來秋刀魚喺秋天盛產，以前不嬲食開燒嘅煮法，覺得肉偏乾，喺度竟然見到有刺身嘅食法，當然要試。佢係原條切件咁上，我哋一試，係 超 級 嘅 好 食！！！！！
滿口嘅油香，但唔會似拖羅咁油膩，係比較清爽嘅，深粉紅色嘅肉就質感好濃郁。我地加上薑茸、葱絲同柚子醬油，簡單而清新，令人非常難忘！
河豚壽司
喺香港好難得見到有得食河豚，仲要真係有貨，梗係要試下架啦～ 雖然有河豚薄片刺身，但唔想食太多，就點左壽司。可能我期望太高啦，我覺得比我想像中普通，好爽口，肉質有彈性。喺香港難得有河豚就一定要試，河豚刺身對廚師要求好高，一唔留神就會留左啲毒素喺啲肉度～ 所以好彩廚師處理得宜姐～
油甘魚壽司、象拔蚌壽司、立魚壽司
太震撼啦！竟然每件只係$13，平過間迴轉壽司店啦，仲要唔係啲平價魚，真係超抵食！除左尼啲，$13仲有得揀三文魚腩、赤貝、赤海老等等，真心抵食。
我覺得魚幾種魚當中，油甘魚質素好高，有油香味，而立魚就比較普通，同出面嗰啲差唔多。同舊飯有啲大舊，不過握得好好，唔會痴埋一舊又唔會散晒咁，同有醋味。不過以$13黎講，真係超值啦！
河豚皮刺身
頭先試完河豚壽司就試吓河豚皮啦（見難得有得試），佢上面加左啲芥末醬（順帶一提，佢啲芥末好高質，一定係鮮磨，冇出水，見到有一粒粒）
河豚皮都係煙韌，但比河豚肉更加爽口同鞋，上面有啲一粒粒，我自己覺得比河豚好食😋 佢切得好幼身，所以口感十足，我覺得非常值得一試👍
鹽燒鰝鰺魚頭鮫
其實我想試鰝鰺刺身（聽聞係無比嘅鮮甜），耐何賣晒⋯⋯ 我地聽隔離枱講尼度嘅燒物好抵食，所以就點左個魚頭鮫。我覺得啲肉質幾滑，同好juicy 嘅，皮係微脆嘅，同好多魚油。
總括而然，我覺得論收費、質素、種類、冷門程度，家賀屋都完勝：
1. $13有得食高質壽司，抵！
2. 有得食河豚刺身、秋刀魚，真係難得一見
所以其實家賀屋喺灣仔咁多年都生存到係有佢原因嘅！不過我地叫左杯啤酒（青瓜薄河味，幾好飲，易入口，女仔都輕鬆飲到），好早就上枱，所以當食物黎到就少左好多泡😿
我見佢晚餐都有定食，但難得單點有咁多正嘢，咁就梗係試啲冷門時令刺身啦！
不過整體嚟講，尼間餐廳非常高質，回頭率值高啊！
張貼
