天 · 悠蔬食 (已結業)

最近素菜餐廳越開越多，平時食得太多肉偶爾試下素菜都唔錯喎。荃灣新開左間新派素菜，裝修行童話公主風粉粉嫩嫩嘅，一入到去坐底已少女心爆發，完全同以前食齋老土嘅image唔同。dinner時段有dinner set揀，選揀都幾多有中式有西式。羊肚菌冬瓜竹笙黃耳百合雪蓮子燉湯 燉湯好夠熱好足料，味道偏淡，飲到食材嘅鮮甜味。本身以為冇落肉啖湯一定冇味，點知都有驚喜，淡淡嘅甜味，好岩做dinner 嘅starting ！四喜烤夫呢個大推！內容有麵筋同荀，濃油赤醬味道係濃濃嘅豉油味，咸甜配搭好上癮。麵筋吸飽左醬汁同荀好脆口，好味！和風大啡菇盧荀燴扁意粉配吉列素帶子吉列素帶子係由啡菇嘅菇錠做嘅，食落口感真係好似！大啡菇食落好有肉感，意粉調味係用左日式醬汁，食落有d似大阪燒，幾惹味！香芋黑糖珍珠香芋味濃，黑糖珍珠都煮得透唔會半生不熟，so far so good 😊 椰香班蘭千層班㦸本身好中意食班蘭嘅product，千層做得唔錯做得好均勻，椰汁味filling好濃郁唔會太甜！係呢餐完美嘅句號！