響 - Hibiki 日本燒肉 (已結業)

周年紀念同男朋友去食咗依間朋友介紹嘅高質燒肉,入座後店員就率先送上一盤燒肉拼盤,每款燒肉都有些部位同名稱,方便食完之後根據自己嘅喜愛再Encore。個人最鍾意嘅就係澳洲和牛肉眼,油脂分布平均,牛味突出香濃。除咗燒肉拼盤之外店員仲率先送上一盤刺身拼盤,有帶子,甜蝦,油甘魚,三文魚,八爪魚同海膽。擺盤好有心思打卡一流,刺身新鮮,不過有D可惜海膽並冇得添食。炸物亦非常新鮮,即叫即炸,最正嘅當然就係榴槤炸彈,新鮮熱辣辣一咬落去裏面嘅榴槤餡料立刻爆漿而出。每兩位仲送每人半隻熟食波士頓鮮龍蝦,肉質厚身彈牙,味道鮮甜,仲要好多膏。飲品嘅選擇都好多除咗汽水同花茶任飲之外,仲有多款紅酒,白酒,清酒同梅酒可以選擇。令我最心心眼嘅當然就係任食甜品同雪糕,而且仲有我最愛嘅Movenpick雪糕。佢哋嘅榴槤Gelato亦非常出色。