影片
更多
2021-12-16
68 瀏覽
任食類型嘅餐廳都食得多，但係今年要搵一間高質而性價比又高嘅就唔簡單，今日去咗呢間朋友介紹嘅任食燒烤舖，結果比到驚喜！當日我哋閒日晚上去，入座嘅時候人唔算好多，但係去到大約七至八點就全場爆滿！閑日任食燒烤舖都可以坐滿，證明呢間舖頭都幾受歡迎！食物方面種類超級多，除咗有好多新鮮嘅流水蝦之外，仲有唔少嘅海鮮，包括海螺，蜆肉，原條新鮮魚，帶子等等，唔少得嘅仲有超級新鮮嘅鮑魚同埋生蠔！全部都係可以任攞任燒，海鮮區域都仲有一位員工不停咁樣沖洗海鮮refill, 所以refill嘅速度都非常快，絕對唔會有出到去冇嘢食攞嘅情況！除咗海鮮之外佢哋仲有好多已經轉好咗一串串嘅肉類同埋丸類，除咗比較常見嘅豬肉同埋牛肉，仲有羊肉同埋羊架可以燒，當然唔少得嘅仲有一啲多春魚呀，腸仔呀，雞翼等等，重點係佢已經整好咗一串串，食同埋燒嘅時候都非常方便！另外佢都仲有幾款熟食，賣相都幾唔錯。去到飲品方面，佢嘅選擇亦都有好多，唔單止有平時去放題飲開嘅飲品，仲有一啲罐裝啤酒，鍾意飲酒嘅朋友就應該會覺得好開心！見佢加錢仲可以任飲即沖生啤！都幾多選擇！雪糕就有兩個牌子，算係比起其他放題店可以選擇嘅多去到味道方面，我自己覺得海鮮係好食
當日我哋閒日晚上去，入座嘅時候人唔算好多，但係去到大約七至八點就全場爆滿！閑日任食燒烤舖都可以坐滿，證明呢間舖頭都幾受歡迎！
食物方面種類超級多，除咗有好多新鮮嘅流水蝦之外，仲有唔少嘅海鮮，包括海螺，蜆肉，原條新鮮魚，帶子等等，唔少得嘅仲有超級新鮮嘅鮑魚同埋生蠔！全部都係可以任攞任燒，海鮮區域都仲有一位員工不停咁樣沖洗海鮮refill, 所以refill嘅速度都非常快，絕對唔會有出到去冇嘢食攞嘅情況！
除咗海鮮之外佢哋仲有好多已經轉好咗一串串嘅肉類同埋丸類，除咗比較常見嘅豬肉同埋牛肉，仲有羊肉同埋羊架可以燒，當然唔少得嘅仲有一啲多春魚呀，腸仔呀，雞翼等等，重點係佢已經整好咗一串串，食同埋燒嘅時候都非常方便！
另外佢都仲有幾款熟食，賣相都幾唔錯。
去到飲品方面，佢嘅選擇亦都有好多，唔單止有平時去放題飲開嘅飲品，仲有一啲罐裝啤酒，鍾意飲酒嘅朋友就應該會覺得好開心！見佢加錢仲可以任飲即沖生啤！都幾多選擇！雪糕就有兩個牌子，算係比起其他放題店可以選擇嘅多
去到味道方面，我自己覺得海鮮係好食同埋新鮮！所有流水蝦都係即夾即燒！大部份嘅蝦都爆曬膏，一路燒嘅時候可以見到啲蟹膏滴晒落去，啲蝦食落去非常彈牙，而且都幾大隻🤣而呢度最貼心嘅係入座嘅時候佢已經幫你將一啲蝦放喺焗爐度燒緊，咁就唔會浪費咗啲時間！
另外都幾好食嘅係每人入座都會送一客嘅燒海鰻！個調味整得啱啱好，燒完之後肉質非常之嫩滑，魚油香超級重，推薦！
而家其他海鮮嘅質素都好高，好多貝殼類嘅海鮮燒完之後都仲有好多汁，食落去味道幾鮮甜🤣
肉類嘅味道方面就表現正常，個人幾鍾意佢嘅羊肉，羊味幾重，另外雞軟骨都幾好食，每一台都有好多唔同嘅調味料可以自己落，跟返自己鍾意嘅口味去燒，自由度好高👍🏻
當日我哋最後都食足兩個半小時，食耐咗少少餐廳都冇都趕我哋走，搵個位同朋友吹水傾偈就非常一流，店員嘅服務態度都好好，第一次去嘅話佢哋都會講解一下燒烤嘅流程，呢個價錢可以有咁多食物嘅選擇，幾抵食👍🏻
張貼
