容記小菜王

營業中

休息中

今日同屋企人出去食飯，專登揀左哩間米芝蓮中菜館試下，我地已經預早6點鐘去到，估唔到都已經差唔多坐滿晒人。餐牌上面既選擇好多，今次我地就揀左以下哩幾樣。🥒前菜：蒜頭辣椒青瓜 $15青瓜有驚喜！非常爽脆，酸辣開胃。🎈極品脆皮燒鵝王半隻$208唔係講笑，係我食過既燒鵝裏面，佢真係數一數二既好食❗️燒鵝皮又香又脆，肉同脂肪既比例啱啱好，肉質相當嫩滑，而且有肉汁，真係超好食推薦👍🏻🎈沙拉汁翠蝦球$148沙拉汁酸酸甜甜，蝦球炸漿夠薄，外皮炸得香脆，內裏蝦肉新鮮嫩滑，非常好食。🎈容記第一嘴$88份量好多，而且好大粒 ，佢既炸漿亦夠薄，墨魚咀新鮮彈牙有咬口，而且灑上椒鹽調味，所以勁香口同惹味。🎈蠔皇原隻南非孔雀鮮鮑魚鵝掌$68鮑魚同鵝掌都炆得好腍好入味，調味岩岩好，哩個價錢真係幾抵食。🎈花膠翅裙姬松茸湯$48打開個蓋見到真係好足料，而且味道濃郁，非常滋補。整體黎講，哩間中菜館食物真係幾高質，好啱同屋企人一齊嚟食。