我愛慢煮 (普慶坊) (已結業)

假日最鍾意係上環一帶遊走搵食，炎炎夏日終於黎到我愛慢煮。地理位置真係比較偏僻，都要搵左一段時間先搵到。坐低一望餐牌，慢煮肉類嘅種類非常多，我地點左一個慢煮36小時紐西蘭牛面肉。切落去已經覺得非常多汁嫩滑，食落味道非常濃郁。另外再點左一個豬仔骨，我自己覺得呢個更加優勝，慢煮時間啱啱好，肉質仍然呈現淡粉紅色。有慢煮肉點可以冇side dishes呢？我哋再點左個黑松露蕃薯條，不得了完全停吾到口，非常足料黑松露醬真係想黎多一客。整體感覺都不錯，唯獨地理位置就比較不方便。