名館 (已結業)

前排睇Openrice睇下有咩餐廳好推介 睇相見到啲食物賣相幾靚幾特別 襯今日有時間就同朋友去試下啦lol一去到見到好多人 不過好彩等左一陣位就入得去啦～睇到門口個餐牌 已經好想快啲入去食 睇落好似真係好吸引咁👅由於等嘅時候已經諗好左食啲咩 所以我地一坐低即刻剔完就落單 順帶一提 個餐牌好靚好有特色一坐低已經聞到淡淡茶香 一開頭以為只係普通嘅茶一試原來係蕎麥茶 好香濃好易入口 好快已經飲左一杯 器皿顏色亦好襯個環境朋友嗌左杯紅棗桂元杞子茶 好滋潤養生嘅感覺而我就嗌左呢杯檸檬意米水 平時只係飲普通薏米水 估吾到檸檬又幾夾 但略嫌薏米水嘅味道較淡第一個上嘅係鮮肉一口小籠包 皮薄多汁 肉質嫩滑之前睇相就係見到呢個雀籠點心好靚 所以我地决定要嗌呢個試下 一試枱 大家已經急不及待要同佢影相 個賣相真係好靚 完全少女心返哂黎💙 最底層係乳鴿加椒鹽薯條 薯條好香脆 放左一段時間依然都好脆 乳鴿嘅味道亦吾會太咸 smileheart第二層分別有蟹籽燒賣同荷葉包 荷葉包包身軟綿綿 裡面夾住青瓜同金華火腿 口感好豐富 頂層有芒果軟枕同薑汁糕 我對薑無太大嘅興趣 所以試左少少 果然薑味十分濃烈 糕好彈牙爽口