更多
2018-07-22
6131 瀏覽
今個月第二次嚟香宮,上次是同事退休,請佢食散水飯,今晚就帶個friend嚟食,貪呢度環境好坐得舒服、招呼好、食物正,用HSBC 卡仲有八折添。都話招呼好咯,坐低就有送上茉莉花茶,花茶好清香,飲一啖,身心舒泰。蜜糖合桃係送的,好香口,一陣間,就被我哋掃晒。個friend 鍾意食雞,所以特意點半隻甜梅菜焗雞俾佢試下,再點多個呢度好出名嘅濃湯鮮菌浸魚肚及魚腐,小食就點了煙燻脆銀針魚。【煙燻脆銀針魚 $88】條條魚仔炸到金黃色,外皮脆,內裡魚仔肉嫩鮮甜。【濃湯鮮菌浸魚肚及魚腐 $288】用砂鍋上,湯底係魚湯,奶白色好吸引,魚味好重,鮮且甜,絲毫不覺腥,又沒有薑味或胡椒味,到底是用甚麼方法去辟腥的呢? 魚腐造到白色的波波,本身已經很有魚肉味,加上質地係可以嗦湯,所以食落非常好味。至於魚肚本身係無味的,跟魚湯一起煮,就入晒魚湯味,超正!【甜梅菜焗雞 $300】雞肉除了有本身的雞味之外,還滲了甜梅菜的特殊鹹、甜味,味道獨特。雞肉好嫩滑,皮薄,唔肥,好食!
都話招呼好咯,坐低就有送上茉莉花茶,花茶好清香,飲一啖,身心舒泰。
蜜糖合桃係送的,好香口,一陣間,就被我哋掃晒。
個friend 鍾意食雞,所以特意點半隻甜梅菜焗雞俾佢試下,再點多個呢度好出名嘅濃湯鮮菌浸魚肚及魚腐,小食就點了煙燻脆銀針魚。
【煙燻脆銀針魚 $88】
108 瀏覽
1 讚好
0 留言
【濃湯鮮菌浸魚肚及魚腐 $288】
90 瀏覽
0 讚好
0 留言
【甜梅菜焗雞 $300】
91 瀏覽
0 讚好
0 留言
張貼