Wagyu Ya (已結業)

自己一向都好鍾意食和牛，仲記得以前去東京旅遊，高田馬場站附近有間和牛好好食。而家因為疫情冇得去旅行，所以就只好留喺香港度，去搵一啲高質素嘅地方食和牛，上網搵過，知道呢間餐廳係OpenRice嘅人氣餐廳，所以就決定嚟試一試。我哋一去到嘅時候，第一時間一定係叫咗啤酒先，呢度嘅啤酒有自家製手工啤，亦都有其他牌子嘅啤酒，我就揀咗隻提子🍇味。之後就係燒烤嘅部份，佢俾咗三款醬料我哋，我就最鍾意咗手邊嘅海鹽，因為最能夠食到牛肉嘅原汁原味。呢款叫牛魔王，$688，裏面包含12塊，共四款，分別是西冷、牛舌、肉眼、三角腩。我最鍾意係牛舌，因為好有彈性。之後就係呢款嘅和牛丼，$498，內裏包含多款極新鮮的刺身料理，我特別鍾意佢嘅海膽，鮮黃色的，與平時在超級市場買開的暗暗黑黑的不一樣。海膽配埋飯，再配埋三文魚子，一齊食，三文魚子嘅汁係口裏面爆開，非常新鮮，沒有腥味。呢間餐廳真係好正，下次會帶埋朋友再嚟食。