胡爐 (已結業)

🪟高私隱度高質火鍋🪟百樂中心全層都係食既，每次去親都花多眼亂，但我同班「火鍋腳」出街都離不開「火鍋」！於是都係揀返信心保證既「胡爐」😃 胡爐品牌主攻高質火鍋、高質食材、店舖闊落。今次我地選擇鴛鴦鍋：🥢青麻辣豬手湯底：青花椒做主角，湯底整體來說都係微辣而惹味，豬手炆得夠腍身，感覺是不肥膩。🥢鮮番茄蓉牛腩湯底：鮮番茄湯底配上牛腩，茄味香濃。🥢鹹蛋黃炸魚皮： 金黃色、一塊一塊咁追住食，新鮮即炸，雖然脆卜卜但係感覺不太膩，是巧手之作！🥢手切頂級安格斯肥牛（小）：每次都必點，超新鮮入口即溶，新鮮嘅牛呃唔到人！🥢手打香茜炸菜牛丸：新鮮手打既丸比較彈牙，配埋炸菜令口感豐富左！🥢黑松露墨魚丸：有驚喜地黑松露香味很濃郁，墨丸彈牙爽口！🥢XO鮑魚蝦餃皇 ：唔係間間火鍋館有嘅餃子款，皮薄餡靚，食到粒粒鮑魚好吸引！🥢紫菜響鈴：即炸脆口野冇得輸，配埋紫菜係好香，雙重口感絕對要每次都order!另外佢有幾間vip房，私隱度高，一班人可以暢所欲言都唔怕！