香港永年車仔麵茶冰廳

營業中

休息中

香港永年嘅名字可能會令人以為佢只賣車仔麵，但佢係沙田開的永年車仔麵茶冰廳咗有車仔麵之外，仲有唔同款式嘅炒粉麵同埋鐵板菜式。而佢哋近排推出咗慢煮鐵板二人餐，包括沙律或餐湯、2款小食、2款鐵板主菜同埋2杯飲品，非常豐富。前菜方面，我推介牛油果蝦沙律同埋酥皮周打魚湯，沙律材料夠晒新鮮，味道開胃。而酥皮湯料夠多，包括蜆同埋煙肉，另外酥皮放入湯後掛晒湯，好有兒時去豉油西餐的回憶! 小食方面，我一定會揀蝦多士。佢地炸得好香脆，蝦膠都好鮮美，令你有一食再食的感覺。至於鐵板菜式，我強烈推介美國SRF和牛眼芯同埋美國安格斯封門柳。和牛眼芯份量十足，肉味濃郁但唔會太靭。而封門柳雖然比較厚身，但肉質卻十分鮮嫩，食落有入口即化的感覺。飲品方面，我會揀永年出名嘅抹茶同奶茶紅豆冰。最後，如果你想食甜品，我推介另一款小食可以揀黑芝麻西多士。佢炸得好香，加埋雲尼拿雪糕同埋芝麻醬，味道十分濃郁，為這餐劃上完美的句號。總括而言，香港永年茶冰廳除左車仔麵出名外，仲有唔同款式的選擇，食物質素高，價錢亦都合理。如果你想試下熱辣辣而高質的鐵板扒菜式，不妨一試香港永年啦！