195
10
7
港鐵沙田站 A3 出口 繼續閱讀
所有分店 (4)
電話號碼
21172368
營業時間
今日營業
08:00 - 21:00
星期一至日
08:00 - 21:00
付款方式
AlipayHK 支付寶 現金
其他資料
當面支付
食評 (224)
沙田新城市廣場「香港永年車仔麵茶冰廳」,賣嘅野食充滿香港味,有香港代表性嘅小食雞蛋仔、菠蘿油、蛋撻,又有地道車仔麵,睇餐牌真係有選擇困難🤣。的用QR點餐,湯底、多辣走辣、飯定意粉、豉油汁定蕃茄汁,全部可以客製化,唔使煩店員😁。女神麵••••••本身已經好豐富好美顏養生嘅「女神麵」,配料有特定組合 有鮑汁燜花膠、豬手、枝竹球、冬菇、紫菜、蘿蔔😍。但係食車仔麵,有一啲餸係一定要食㗎嘛!點可以無牛腩、豬腸、酸齋呢🥰加錢點埋以上嘅餸,成碗車仔麵真係好巨好顛,但係好正!碗粉食落有盆菜feel😂😂花膠滑嘟嘟又彈牙,加埋豬手骨膠原爆燈💡💡💡枝竹球就夠哂特別,好吸汁。豬腸洗得乾淨無怪味👍🏻滷得入味。湯頭要左清湯配麻辣汁少辣,係幾正宗正常,由細食到大嘅車仔麵湯底味,幾濃。皇牌葱蒜豬扒太陽蛋飯($77)••••••葱蒜撈飯好味🤤鍾意佢飯粒分明夠乾身。太陽流心就一般,可以好啲。香脆豬扒好大塊,醃過,調味幾重手,空口食會鹹啲,建議連飯一齊食☺️。冰火菠蘿油($18)••••••真心大推必食❤️重點係牛油厚切,雪到夠哂凍,影完一輪寫真都只係溶左少少!菠蘿包皮脆,麵包鬆軟唔會空氣感,好多人買,見店家去貨去很好快,所以品質保持到,邪惡好味之選。蛋撻($6)••••••牛油曲奇皮蛋撻,普普通通,內餡實啲,無蛋汁。樽仔奶茶(+$9)••••••😘最鍾意呢啲無冰奶茶,唔會愈飲愈淡。樽仔奶茶奶滑奶香味好強,茶底有存在感,唔鞋口,雪到冰凍,好飲!抹茶紅豆冰(+$9)••••••抹茶幾甘香,奶多返啲會更好,紅豆糖水浸過,夠哂甜。 繼續閱讀
(以上食評乃用戶個人意見 , 並不代表OpenRice之觀點。)
等級4 2020-08-04
955 瀏覽
常常都會在元朗吃永年車仔麵,這次買外賣到朋友沙田的家。沙田店舖裝修別緻,明顯有精心設計,可惜今天不能堂食,之後有機會一定再拜訪。滿滿一桌美食,看到也覺得很滿足。大碗麵包含了永年多款最經典的配料,如豬腸,蘿蔔,魚蛋,豬紅等等,還可另加最多三款配料。湯和面是分開盛載,不怕麵會浸得太腍。永年的蘿蔔一貫的出色,沾上永年招牌辣汁,夠惹味又沒有渣。點了另一碗4餸油麵,有牛腩,豬腸,牛筋和牛肚。牛腩肉質軟腍,肥瘦適中,很入味。牛筋一口咬下去骨膠原滿滿,膠質重,炆得夠腍同時又不失咬口。永年的豬紅是一貫的好吃,非常入味,沒有血腥味,配上韭菜花比一般韭菜更嫩。永年的豬大腸也是好吃得要另外再單點一份,洗得乾淨不會羶,又有咬口,豬大腸本來是配生菜,但生菜剛好售完所以換上了菜心。腐乳通菜很惹味,通菜當造,青綠嫩滑沒有渣。炸魚皮夠薄身又夠脆,粉漿不會過厚,沾一下辣汁清湯再放入口,就是這個味道讓人百吃不厭。樽仔奶茶也是永年的招牌菜之一,口感滑順,茶味也夠濃。凍檸茶甚有茶餐廳風味。 繼續閱讀
(以上食評乃用戶個人意見 , 並不代表OpenRice之觀點。)
等級4 2020-07-05
1100 瀏覽
今日和老公來到新城市午餐,見到這間有現場烘焙的菠蘿油,所以便試一試餐廳主打懷舊經典茶餐廳食物,但環境比傳統茶餐廳舒適乾淨得多女神麵 - 有花膠,豬手,冬菇,枝竹球的車仔麵,全部餸都是女性恩物,養顏健康雖然只是幾十元,但有一大塊花膠真的很驚喜!花膠有咬口而且炆得非常入味!吃得辣的人必試永年的辣汁湯底,真的非常惹味香脆南乳雞翼- 非常香脆可口,微微的南乳味十分惹味懷舊蝦多士- 蝦多士是脹卜卜的,也是炸得非常香脆,也不會很油膩豬大腸生菜- 這個十分推薦!精華是在湯底!濃郁的湯令豬大腸和生菜也非常入味冰火菠蘿包油 - 相信是每台必點的,熱辣辣的菠蘿包配上一大塊的牛油,菠蘿包非常鬆軟,一冷一熱,吃得十分滿足土炮大茶飯 - 賣相色彩繽紛,雞蛋仔配上香港傳統小吃,有蛋捲,龍鬚糖,馬仔,雞蛋餅和花生糖,非常經典我也很久沒有一次過吃這些傳統小吃,真的是會有回憶凍鴛鴦和奶茶紅豆冰- 都是茶餐廳的經典飲品,非常冰凍,也不會太甜這間新式茶餐廳食物高質,性價比高,絕對值得再來 繼續閱讀
(以上食評乃用戶個人意見 , 並不代表OpenRice之觀點。)
等級4 2020-06-27
849 瀏覽
難得平日放假,同朋友食個lunch之後就去踏單車🚴‍♀️出下汗。。見到呢間茶餐廳好特別,好潮,啲嘢食好型就試下啦。。我地2點鐘到都好多人等位。。不過等一陣就有位啦,估唔到係可以自助落單,掃一掃QR code落單就得,方便!餐牌選擇好多,仲好特別😂女神麵:呢個女神麵用料好足,有花膠,冬菇,豬手,髮菜,哇,好正!我揀左粗麵,麵質好爽口!番茄湯底好濃味,唔係水汪汪嘅。夠哂大碗又多材料!男神麵:係全牛肉!有牛腩牛根牛肚牛柏葉牛丸,好多牛牛🐮。。好多材料又係大大碗!紅油萵荀:萵荀好少見到有得食!呢度竟然有!切到一舊舊,唔係一片片,咬入口好爽脆,唔會淋patpat,讚👍🏻生菜魚肉個湯好清甜,不過就略嫌普通,有個翅應該正啲南乳雞翼呢個好好食!個面好脆仲大大隻添,有陣咸香味,係醃得好足,啲雞肉都入味。加上雞肉好滑仲有肉汁,好正樽仔奶茶:好濃味,飲落又香又滑黃牛:本身想飲黑牛,不過sold out無得點。但點解7 up唔係白牛咩?叫黃牛嘅,哈,唔知呢?但真係好巨型,夠兩個人飲!仲有爆炸糖同旺寶雪條!大滿足感!第一次見好巨型!土炮雞蛋仔:呢個又係不得了!雞蛋仔再加上雪糕,蛋捲,龍鬚糖,馬仔,雞蛋餅,好多嘢食。食入口好得意,第一次咁樣食雞蛋仔,真係打卡一流! 繼續閱讀
(以上食評乃用戶個人意見 , 並不代表OpenRice之觀點。)
等級4 2020-06-04
1369 瀏覽
最近因著疫情,都減少大魚大肉,反而多咗幫襯茶記,快捷又方便。這次來到永年。沙田店以車仔麵與港式美食作主打,同時為懷舊特色食品加入新元素。車仔麵餐,扒餐,飯餐加上煎釀三寶同雞蛋仔等街頭小食,港式食物應有盡有。餐廳亦加入QR落單與時並進。焗鮮菠蘿蕃茄豬扒太陽蛋飯 $108新鮮菠蘿蕃茄,太陽蛋,大大塊豬扒,賣相吸引。豬扒厚切,酥軟啖啖肉,加上焗得金黃的芝士一試難忘。配懷舊西湯腐乳通菜 +$16通菜可揀多醬,即時充滿澎湃腐乳香,非常開胃。永年大碗麵餐 (米粉) $108餐廳招牌車仔麵絕對不能錯過。大大碗車仔麵份量十足,魚蛋,豬皮,豬腸,豬紅,雞翼,雞翼尖,魷魚,紅腸,時菜極豐富。獨特的車仔麵湯非常吸引,揀咗蕃茄濃湯加永年辣汁,夠開胃。加配懷舊蝦多士車仔麵餐加配的懷舊蝦多士香口鬆脆,蝦肉彈牙,一試就愛上。冰火菠蘿油 $18熱辣辣菠蘿包配冰凍牛油非常邪惡。樽仔奶茶 +$9濃香奶茶味入口順滑,茶記的味道即刻出晒嚟。黑牛爆樽大枝野 +$35經典黑牛以”大枝野”方式呈現,融合經典與創新,仲有爆炸糖增加玩味。 繼續閱讀
(以上食評乃用戶個人意見 , 並不代表OpenRice之觀點。)