影片
更多
2019-11-15
112 瀏覽
之前都喺網上睇過，位於佐敦嘅呢一間響 Hibiki燒肉嘅質素唔錯，好多人食過都話幾好，一直都心思思想去試。今次終於夾到朋友一齊去食，一上到去環境非常之靚，有好多和風嘅裝飾，十足十去咗日本一樣，一入門口就見到大大個雪糕櫃同甜品櫃，而且仲有飲品區。飲品區嘅選擇非常豐富，無論係飲酒唔飲酒，都有適合自己嘅選擇，我就同朋友一齊試咗呢度嘅酒，質素都唔錯，好適合食燒肉嘅時候飲。坐低之後好快就有店員為我哋上咗個刺身拼盤，一見到已經嘩嘩聲，因為個拼盤真係擺得好靚，而且海鮮嘅質素都好好，仲有我最鍾意食嘅海膽、油甘魚、甜蝦等等，尤其係海膽，非常鮮甜，好creamy。至於燒肉拼盤都好吸引，有肥美嘅澳洲和牛打頭陣，包括有胸腹、西冷等唔同嘅部位，亦都有香草手羽、豬頸肉等。一嚟就可以即刻燒，一邊食啲刺身，一路燒肉，啱曬大胃王。最令我surprise嘅係，竟然有咁大隻嘅凍龍蝦，好少見到放題會咁揼本，而且龍蝦嘅質素都好好，大大隻，肉質好爽口結實。不過食得燒肉放題，最重要嘅都係肉嘅質素，呢度嘅肉類，尤其係牛肉質素非常之高，每片都有雪花，但肥而不膩，雪花溶喺每片肉中間，牛味好突出。一定要試下呢度嘅牛肋骨，嫩滑得嚟，仲好香肉
今次終於夾到朋友一齊去食，一上到去環境非常之靚，有好多和風嘅裝飾，十足十去咗日本一樣，一入門口就見到大大個雪糕櫃同甜品櫃，而且仲有飲品區。
飲品區嘅選擇非常豐富，無論係飲酒唔飲酒，都有適合自己嘅選擇，我就同朋友一齊試咗呢度嘅酒，質素都唔錯，好適合食燒肉嘅時候飲。
坐低之後好快就有店員為我哋上咗個刺身拼盤，一見到已經嘩嘩聲，因為個拼盤真係擺得好靚，而且海鮮嘅質素都好好，仲有我最鍾意食嘅海膽、油甘魚、甜蝦等等，尤其係海膽，非常鮮甜，好creamy。
至於燒肉拼盤都好吸引，有肥美嘅澳洲和牛打頭陣，包括有胸腹、西冷等唔同嘅部位，亦都有香草手羽、豬頸肉等。
一嚟就可以即刻燒，一邊食啲刺身，一路燒肉，啱曬大胃王。
最令我surprise嘅係，竟然有咁大隻嘅凍龍蝦，好少見到放題會咁揼本，而且龍蝦嘅質素都好好，大大隻，肉質好爽口結實。
不過食得燒肉放題，最重要嘅都係肉嘅質素，呢度嘅肉類，尤其係牛肉質素非常之高，每片都有雪花，但肥而不膩，雪花溶喺每片肉中間，牛味好突出。
一定要試下呢度嘅牛肋骨，嫩滑得嚟，仲好香肉味。
另外仲有喜知次可以燒，真係好少喺放題見到呢啲咁特別嘅魚，平時多數都係料理店先有，而且魚肉好新鮮好香口。
朋友就叫咗一個豆腐湯鍋，估唔到呢度嘅熱食都好有水準，而且仲有好多小食前菜等等選擇。
食飽之後當然唔少得甜品，有蛋糕，亦有我最愛嘅雪糕，雪糕有幾款唔同嘅靚牌子，包括dreyer's同movenpick，味道都算多，而且細細杯，試多幾款都唔怕滯。
雖然價錢比一般嘅放題高少少，但我真心覺得係值得，因為食物用料嘅質素同價錢成正比，絕對好過坊間普通嘅放題好多，反正都係食，倒不如食好啲。
張貼
