丼瀛 (已搬遷) 新店位置

觀塘工廈隱藏不少美食，價錢實惠，仲好有質素。今晚就嚟到apm後面嘅呢間日式小店，店主好熱情介紹菜式，服務非常好，感受到餐廳的熱誠。今晚好豐富，首先有呢度嘅招牌菜甜蝦角切魚生丼，魚生新鮮，壽司飯軟硬適中，必點。流心芝士漢堡包啱曬小朋友，仲有小朋友最愛嘅照燒雞扒稻庭烏冬，同明太子醬燒玉子。不得讚下店員嘅細心，見到有小朋友就用膠杯裝水畀佢飲，仲介紹咗一啲啱小朋友嘅菜式，例如骨付腸，明太子雞翼，椒鹽燒雞腎等串燒，香口美味，大人細路都喜歡。野菜天婦羅炸得香脆，有菇，南瓜，茄子，紫薯，健康清新。而餐廳環境好有日式氣氛，我最鍾意都係小店嗰種人情味，感覺好warm，同埋感受到餐廳嘅用心製作。