漁釧 (V Walk) (已結業)

最近嘅天氣實在太熱啦，成日都想食啲凍野補下身。刺身壽司係最好嘅選擇，不過平日晚市去連鎖餐廳都要等好耐又唔係特別好食。經朋友推薦下 訂左位黎呢間漁釧放任一餐😍 餐廳位於新開無耐既V walk商場，位置都幾容易搵，基本上南昌地鐵一出入商場就見到。環境真係好似去咗日本當地開餐咁，可以暫時幻想下自己去緊日本旅行一樣。我去到嘅時候七點未到都已經坐咗幾台客，而且個個都係食刺身睇落好肥美，真係未點餐先興奮。餐牌款式都好多，本身以為剩係得刺身壽司，但原來佢都有串燒鍋物等其他日本料理。佢餐牌嘅最尾一頁有廚師幫你揀嘅餐牌，基本上有晒前菜到主菜甜品既套餐，適合選擇困難又好肚餓嘅各位朋友仔。不過早到關係，暫時未好肚餓就決定散叫。先叫一客酥炸雞軟骨，擺盤好別緻，而且都好乾身當然唔少得嘅仲有串燒同埋煎餃子，作為開胃前菜送酒一流。特別要點名讚佢嘅全消笑得好香口唔會好難咬，而且價錢都好抵食👍🏻👍🏻👍🏻最後當然唔少得嘅就係今日嘅主菜—刺身壽司盛。非常非常肥美！後面見到壽司師傅都好用心去整壽司果然不令我失望😍😍😍佢壽司嘅飯唔會做得太大舊，而且溫度軟硬適中，能夠好配合刺身上嘅油脂入口即溶，令我不禁回想起之前係東京築地食壽司