新澳咖啡餐室 (民泰街) (已結業)

上星期同男朋友一齊去黃埔探佢婆婆，跟住經過呢間新澳咖啡餐室。外面有兩張枱，都見到有人帶埋狗仔同朋友一邊食一邊傾計。見到咁chill，我地都去試下😂當時差不多6點，我地就當晚餐食。叫左一個二人餐，揀左薑葱霸王雞同波蘿咕嚕黑豚肉。跟住店員推薦我們試下佢地個海鮮叻沙，我地就試埋。薑葱霸王雞生熟程度適中，一啲都唔會太老。最重要係有大量薑蔥，非常啱我口味😂海鮮叻沙都無失望，海鮮份量好充足，尤其係啲蝦，爽口彈牙，值得一讚。不過我覺得最好食都係波蘿咕嚕黑豚肉。黑豚肉多汁又有咬口，表面嘅炸粉亦適中，唔會太厚。甜酸汁味道亦調較得好，非常開胃。總括而言，呢度真係一間性價比好高嘅餐廳。如果經過，真係可以試下☺️